Wp/dtp/Bunga Citra Lestari
Bunga Citra Lestari | |
|---|---|
 | |
| Kinosusuon | Gomot 22, 1983 |
| Nationality | Indonesia |
| Occupation(s) | Susuminding, Mimingkono |
| Years active | 1997–dinondo |
| Spouse(s) |
Tiko Aryawardhana (m. 2023) |
| Tanak | Noah Aidan Sinclair |
| Parent | Template:Wp/dtp/Ublist |
| Relatives | Ivan Permana (anak saudara) Intan Ayu Purnama (anak saudara) |
| Musical career | |
| Genres | |
| Instrument(s) | Vokal |
| Labels |
|
| Website | www |
| Signature | |
.svg) | |
Bunga Citra Lestari (nosusu ontok 22 Gomot 1983), Ointutunan nogi sabaagi BCL, isido nopo nga songulun susuminding om mimingkono tondu Indonesia. Pinotimpuun o karaja dau ontok toun 1997, ointutunan isido miampai sinding-sinding genre POP dau miagal ko' sinding "Cinta Pertama", "Ingkar" om "Menghapus Jejakmu" i miampot duo di Ariel Noah om nogi sinteron Bayu Cinta Luna.
Koposion pogulu[edit | edit source]
Nosusu isido id Jakarta maya pisasawaan di Muchlis Rusli om Emmy Syarif. Naawi di BCL o timpu susumikul dau id Lhokseumawe Nanggroe Aceh Darussalam.
Pakarajaan[edit | edit source]
Nosiliu o sinding popular dai i kiuhu do "Sunny" sabaagi muzik tema montok filem Cinta Pertama. Nokoumbal yau miampot suminding miampai di PAS Band om iri no timpuunon do karaja dau id gana do muzik.[1]
Drama lipur lara di suai i noumbalan dau do mingkonon nopo nga Bukan Perempuan Biasa, ABG om Senandung Masa Puber.
Mimparagat nogi isido id gana do muzik. Sinding dau nopo i koumbal do popular nga "Aku Tak Mau Sendiri". Ontok toun 2006, nakaasil i Bunga Citra Lestari do album Cinta Pertama, om sumusuhut nopo album Tentang Kamu ontok toun 2008. Album sumusuhut nopo nga album The Best Of BCL i pinaasil ontok toun 2013 om sumusuhut nopo nga album Hit Singles And More ontok toun 2015.
Sinding Cinta Pertama (Sunny) sabaagi tuni latar filem Cinta Pertama pinoposiliu ngaran di Bunga Citra Lestari do nointutunan kopio. Iman-imanon di Bunga Citra sumiliu do susuminding nagampot maya sinding winonsoi di Dewiq diti. Loolobi no soira nakadagang o album solo perdana dau soginumu do 75 riong solinaid do timpu duo minggu no.
Montok nopo di Bunga Citra, okon ko osonong mamagampot iman-imanon dau sabaagi susuminding om nogi sabaagi mimingkono drama lipur lara. Ogumu ahal di nuru do polubukon do tanak tondu di Muchlis Rusli om Emmy Syarif montok papaasil album Cinta Pertama solo dau, kaampai no mogititimung miampai paganakan.
Pinopointalang di sumandak i oubas lohowon do Unge diti kokomoi tumopot yau sabaagi susuminding, om amu dau podulion do anggapan sumandak kampung, tu yau lobi intutunan sabaagi mimingkono drama lipur lara komulakan mantad ko' songulun susuminding. Roitan nopo piipiro kono' dau id drama lipur lara Senandung Masa Puber, Dari Temen Jadi Demen, ABG, Penjaga Hati, poposiliu sumandak di orohian mananrasuk do tank top om seluar hipster diti ointutunan do ginumuan.
Angkab di Unge sabaagi susuminding nga apatut do silihon sabaagi poomitanan, tu suang goos dau do monginsonong do rolou, minongoi yau pinluda do vokal miampai di Elfa Secioria ontok masagan po yau poindopitor sabaagi mokiikinobos Trisakti jurusan Manajemen pogulu do suminuang id studio rakaman, om poposiliu vokal dau do matang.
Ointutunan nogi mimingkono diti do penampilan dau miampai di Ari Lasso maya kalantaion Aku dan Dirimu id suang album The Best of Ari Lasso.
Koposion peribadi[edit | edit source]
Ngaran disido milo podolinon sabaagi "imej bunga abadi". Ointutunan nogi isido sabaagi BCL.[2]
Suminawo i Bunga Citra miampai di Ashraf Sinclair, songulun mimingkono Malaysia ontok 8 Milau 2008. Karamayan pisasawaan dau nopo nga bobos di poingharo-haro om pinoindalan id duo pogun, Indonesia om Malaysia. Kalapas do suminawo yolo, mingkono i Bunga Citra om Ashraf Sinclair id suang filem di miagal, ii nopo nga Saus Kacang. Haro o tanak kumoiso diolo ontok pintangaan Manom pinungaranan do Noah Sinclair.[3]
Noiduan ginawo i Ashraf Sinclair ontok 18 Mansak 2020 sabab do toruol tuundundu id Jakarata, Indonesia.
Diskografi[edit | edit source]
- Cinta Pertama (2006)
- Tentang Kamu (2008)
- The Best Of BCL (2013)
- Hit Singles And More (2015)
- It's Me BCL (2017)
Filemografi[edit | edit source]
Filem[edit | edit source]
- Cinta Pertama (2006)
- Kangen (2007)
- Saus Kacang (2006)
- Ada Kamu, Aku Ada (2008)
- Habibie & Ainun (2013)
- My Stupid Boss (2016)
- 3 Srikandi (2016)
- Jilbab Traveler : Love Sparks Korea (2016)
- My Stupid Boss 2 (2019)
Televisyen[edit | edit source]
- Bukan Perempuan Biasa
- ABG
- Senandung Masa Puber
- Kalo Cinta Mengoda
- Penjaga Hati
- Bayu Cinta Luna
- Berbagi cinta
Anugerah om pencalonan[edit | edit source]
Sukuon[edit | edit source]
- ↑ (id Indonesian) Most Phenomenal Indonesian Solo Singer in Debut Album. Retrieved 24 December 2010
- ↑ Tertiani ZB Simanjuntak (16 July 2016). "Getting Personal: Bunga Citra Lestari: What's in a Name?". The Jakarta Post. Linoyog ontok 8 December 2016.
- ↑ DetikHot:Ashraf-BCL's son named Noah Sinclair, accessed 23 September 2010