Wp/dtp/Boros Cia-Cia

From Wikimedia Incubator
< Wp‎ | dtp
Wp > dtp > Boros Cia-Cia
Cia-Cia
바하사 찌아찌아
File:Cia-Cia text in hangul (cover).jpg
RantauPulau Buton, Sulawesi
Momoboros sandad
80,000 (pada 2005)[1]
Hangul (pada 2009), asalnya Gundul
Kod boros
ISO 639-3cia

Boros Cia-Cia toi ko' Boros Buton Kabaatan nopo nga iso kawo Boros Austronesia i gunoon id posorili kakadayan Bau-Bau id kabaatan Pulau Buton ponong id kabaatan kosilaon Pulau Sulawesi id Indonesia. Ontok 2009, nakagayat o boros diti do ginawo pomogunan soira minonorimo o kakadayan Bau-Bau do ponuatan Hangul Korea i numaan posiliho sabaagi sistem ponuatan boros Cia-Cia.[2]

Demografi[edit | edit source]

Ontok toun 2005 kiwaa kiikiro 80,000 tulun i momoguno boros Cia-Cia[1], 95% mantad dii nopo nga kiugama Islam[3] i momoguno nogi do boros Wolio i mionit miampai Boros Indonesia. Boros Wolio nopo diti nga olihuan no sabaagi boros ponuatan tinaru Cia-Cia, gama do boros Indonesia i poia'on momoguno pimato Rumi id sikul.[4]

Kinotongkopon[edit | edit source]

Gunoon o Boros Cia-Cia id Sulawesi Tenggara, Pulau Buton Kabaatan, Pulau Binongko, om Pulau Batu Atas.[1] Tumanud susuyan nokopogulu, moomomoguno boros Cia-Cia id Binongko nopo nga kipusakag do bala tentera Buton i dikerah do Sultan Buton.[5]

Ngaran[edit | edit source]

Tadon nopo ngaran do boros diti nga mantad hogot cia i kirati do 'tidak'.[1] Lohowon nogi o Cia-Cia sabaagi boros Buton, Butung, toi ko' Boetoneezen (mantad boros Belanda) i pialasan miampai boros Wolio, om boros Buton (toi ko' Butung) Kabaatan.[1]

Loghat[edit | edit source]

Apangkal om au songkuro orotian miampai osorisid o woyo boros id pulau Buton.[6] Loghat nopo ngaawi do Cia-Cia nga kaampai no Kaesabu, Sampolawa (Mambulu-Laporo), Wabula om Masiri.[1][7] Ogumu nogi o tinimungan boros do Masiri paling mantad ko i loghat baku.[1]

Ponuatan[edit | edit source]

I nopo pogulu po, momoguno o boros Cia-Cia iso bontuk ponuatan Jawi i lohowon do Gundul i aiso o aksara montok tuni vokal. Ontok 2009, nakagayat ginawo pomogunan o boros Cia-Cia gama minaganu kootuson o kakadayan Bau-Bau do momoguno ponuatan hangul mantad Korea montok monuat boros Cia-Cia, om mongia' tangaanak do sistem ponuatan wagu diti tumanud buuk teks i pinaasil do Persatuan Hunminjeongeum.[2][8][9][10] Botoun-toun no o institut dii minggoos do papasarabak kopomogunoon pimato Korea kumaa tinaru minoriti i aiso o sistem ponuatan sondii pointongkop Asia.[2] Sundung do ingkaa, gama kobolingkaangan do puru Korea miampai puru tempatan,[11] minogidu o institut di kitonggungan id suang popointutun do sistem ponuatan diti ontok 2012.[12] Mulong do ingkaa, gunoon kasari tulun tempatan o Hangul.

Pimato Cia-Cia [13]
Konsonan ㄱ ㄲ ㄴ ㄷ ㅌ ㄸ ㄹ ᄙ* ㅁ ㅂ ㅸ ㅍ ㅃ ㅅ ㅇ ㅈ ㅉ ㅎ
Rumi g k n d dh t r, l m b v bh p s tiada (awal), ', ng (tengah, akhir) j c h
IPA [ɡ] [k] [n] [ɗ] [d] [t] [r], [l] [m] [ɓ] [β] [b] [p] [s] -, [ʔ], [ŋ] [dʒ] [tʃ] [h]
Vokal ㅏ ㅔ ㅗ ㅜ ㅣ
Rumi a e o u i
IPA [a] [e] [o] [u] [i]

Id suang sistem ponuatan Cia-Cia, aksara ᄙ nopo nga okon ko pimato mitongkiad. Konsonan /r/ om /l/ id tanga pisuayon miampai monuat pimato ㄹ mintotoiso montok /r/ om misaup montok /l/. Pimato ㄹ misaup nuru posuaton id bontuk duo putul boros. Konsonan /l/ dohuri posuaton miampai pimato ㄹ mintotoiso; montok konsonan /r/ dohuri, poruhangon o pimato kosong ㅡ. Gunoon nogi pimato vokal kosong (으) montok /l/ id dumbangan. Id suang proses popisudong do hangul miampai struktur boros Cia-Cia, pimato ㅸ i au oguno id suang boros Korea gunoon montok mongobi konsonan /v/.[14]

Poomitanan:[15]

아디 세링 빨리 노논또 뗄레ᄫᅵ시. 아마노 노뽀옴바에 이아 나누몬또 뗄레ᄫᅵ시 꼴리에 노몰렝오.
adhi sering pali nononto televisi. amano nopo'ombhae ia nanumonto televisi kolie nomolengo.

Tinimungan boros[edit | edit source]

Numbur 1–10[edit | edit source]

Numbur 1–10[16]
Boros Malayu satu dua tiga empat lima enam tujuh lapan sembilan sepuluh
Boros Cia-Cia (hangul) 디세 루아 똘루 빠아 을리마 노오 삐쭈 활루 시우아 옴뿔루
Rumi ise rua tolu pa'a lima no'o picu walu siua ompulu
Senarai perkataan bahasa Cia-cia dalam aksara hangeul dengan gambar tersebut.
Bolikan mantad buuk teks boros Cia-Cia montok tangaanak.

Boros maan[edit | edit source]

  • 부리 buri 'menulis'
  • 뽀가우 pogau 'bercakap'
  • 바짜안 baca'an 'membaca.'[17][15]

Boros ngaran[edit | edit source]

  • 까아나 ka'ana 'rumah'
  • 시골라 sikola 'sekolah'
  • 사요르 sayor 'sayur'
  • 보꾸 boku 'buku'[18][19]

Pason[edit | edit source]

  • 따리마까시 tarima kasi 'terima kasih'
  • 인디우미안노 indau miano Cia-Cia 'Saya orang Cia-Cia'
  • 인다우뻬엘루이소오 indau pe'elu iso'o 'Saya cinta awak'
  • 모아뿌이사우 moapu sia'u 'maafkan saya'
  • 움베 umbe 'ya'
  • 찌아 cia 'tidak'[20]

Sukuon[edit | edit source]

  1. ↑ 1.0 1.1 1.2 1.3 1.4 1.5 1.6 Template:Wp/dtp/Ethnologue
  2. ↑ 2.0 2.1 2.2 Agence France-Presse, "Southeast Sulawesi Tribe Using Korean Alphabet to Preserve Native Tongue", Jakarta Globe, 6 Ogos 2009
  3. ↑ Joshua Project - Cia-Cia
  4. ↑ Butonese - Introduction
  5. ↑ Noorduyn, J. 1991. "A critical survey of studies on the languages of Sulawesi" p. 131.
  6. ↑ Noorduyn, J. 1991. "A critical survey of studies on the languages of Sulawesi" p. 130.
  7. ↑ Donohue, Mark. 1999. "A grammar of Tukang Besi". p. 6.
  8. ↑ Korea Times, 2009-08-06[1]
  9. ↑ "Indonesian tribe to use Korean alphabet". Archived from the original on 2009-08-12. Linoyog ontok 2009-08-12.
  10. ↑ (LEAD) Indonesian tribe picks Korean alphabet as official writing system
  11. ↑ "Adoption of Hangeul by Indonesian Tribe Hits Snag". The Chosun Ilbo. 10 October 2011. Archived from the original on 13 December 2011. Linoyog ontok 30 June 2017.
  12. ↑ Yi, Whan-woo (8 October 2012). "Sejong Institute withdrawal to leave Cia-Cia out in cold". The Korea Times. Archived from the original on 6 February 2017. Linoyog ontok 30 June 2017.
  13. ↑ slideshow
  14. ↑ Template:Wp/dtp/Ko icon "사라질 소수민족 언어 '한글'로 새 생명(Hangul which brings the new life to the Cia-Cia people)" (id boros Korean). 경향신문 (京鄉新聞)/Kyunghyang Sinmun. 2009-08-06. Linoyog ontok 2009-08-09.
  15. ↑ 15.0 15.1 Template:Wp/dtp/Ko icon 印尼 소수민족, '한글' 공식 문자로 채택
  16. ↑ Numbers in Austronesian languages
  17. ↑ Template:Wp/dtp/Ko icon 인도네시아에 한글 사용하는 섬 생겼다 Archived 2009-08-28 at the Wayback Machine
  18. ↑ "salinan arkib". Archived from the original on 2009-08-28. Linoyog ontok 2009-09-12.
  19. ↑ [2]Template:Wp/dtp/Pautan putus
  20. ↑ [3]

Retrieved from "https://incubator.wikimedia.org/w/index.php?title=Wp/dtp/Boros_Cia-Cia&oldid=6276080"