Wp/dtp/Bibi Aishah Hamid Don

Dato' Bibi Aishah Hamid Don (nosusu ontok 11 gumas 1929 id Jalan Hale / Jalan Raja Abdullah, Kampung Baru, Kuala Lumpur) songulun tondu pogulu ii nadadi do senator id suang pomorintaan Malaysia.

Paganakan

Sawo disido i Hashim Ya'acob (minidu pogun ontok 1994). Kiwaa 5 tulun tanak dilo ii no Dr. Razalli (minidu pogun ontok 1987), Roshina (minidu pogun ontok 1972), Rohaya (luyar), Rohaizad om Dr. Roshilla.

Pondidikan

Suminikul isido id Sekolah Melayu Perempuan Kampung Baru, Kuala Lumpur, om minongoput sikul id Sekolah Convent Taiping. Sumusuhut suminikul id sikul minsosondii hilo id Sitiawan, Perak.

Politik

Nosiliu nogi isido do penasihat mahkamah tangaanak, puru lembaga monoina Sikul St. Anne, puru bebas Mahkamah Perusahaan om ponorikohon jawatankuasa kebajikan watas Kulim.

Nosiliu isido puru UMNO id Sungai Rambai, Bukit Mertajam, Pulau Pinang (1948). Sumusuhut, minundaliu isido hilo id Kulim ontok toun 1951 om mimparagat do hilo. Id suang Pilihan raya umum Tanah Melayu 1955 nakalantoi isido id kawasan DUN Kulim, Kedah. Ontok toun 1964, nosiliu isido sabaagi puru Dewan Negara om nosiliu tondu kumoduo id suang dewan dii. Nakalantoi isido id kawasan Parlimen Kulim Utara id suang Pilihan raya umum Malaysia 1969. Isido nogi nga puru majlis jawatankuasa pusat UMNO Malaysia (1971). Ontok toun 1967, nosiliu isido do mongongobi Malaysia id PBB. Koombolutan nopo disiod nga i Tan Sri Aishah Ghani - Luguan Koonduan UMNO.

Gaa'

Nonuan i Bibi Aishah do bintang ahli mangku negara(A.M.N) di Yang diPertuan Agong om pingat jasa kebaktian (P.J.K). Ontok toun 1997, nonuan isido darjah setia diraja Kedah (D.S.D.K) di Sultan Kedah i minogowit pamalahawan do 'Dato'.

Minidu pogunn isido id Kuala Lumpur ontok 6 Gomot 2008 gama alaid no sumakit.