Wp/dtp/Beaufort

For the federal constituency represented in the Dewan Rakyat, see Beaufort (federal constituency).

Beaufort
Town and district capital
Pekan Beaufort Beaufort Town
Other transcription(s)
• Jawi	بعوفورت
• Chinese	保佛 (Simplified) 保佛 (Traditional) Bǎo fú (Hanyu Pinyin)
The main road to Beaufort.
Official seal of Beaufort Seal
Etymology: Named after former British Governor Leicester Paul Beaufort
Coordinates: 5°20′44.84″N 115°44′40.43″E
Country	Malaysia
State	Template:Flag/core
Division	Interior
District	Beaufort
Seat	Beaufort
Population  (2010)
• Total	12,742

Kakadaian Beaufort

Beaufort nopo nga iso kakadaian om nogi watas id Boogian Pedalaman, Sabah, Malaysia. Soginumu 12, 742 tulun mogigion watas diti naaga ontok toun 2010 di nakatalib. Okito nogi id watas diti walai kadai di nowonsoi mantad timpu Boritis. Ointutunan Beaufort sabaagi iso watas di nowonsoi montok monguhup koingkakatan ekonomi Borneo Koibutan. Koonuan ekonomi di ninggisaman id watas diti nopo nga gata' om nokosiliu nogi kinoyonon do misangod montok sumasangod Jepun om Australia id Sabah.

Etimologi

Nontodonon ngaran Beaufort

Ngaran Beaufort naanu mantad ngaran do tulun, ii nopo nga montok momuhondom songulun gabenor, P. Beaufort ii nopo nga pomorinta Sabah ontok toun 1896 gisom 1900. Pogulu nopo ngaran watas Beaufort nga Padas tu kopihondot ngaran bawang Padas id kinoyonon dii.

Sajara

Koionon kakadaian Beaufort pinili di Williak Clake Cowie, ii nopo nga songulun tupisor id Komponi Borneo Koibutan Boritis (Syarikat Borneo Utara British) ii nogi songulun ponorikohon buruon komponi dii ontok Milatok 1898. Pinoburu o kinoyonon diti montok mongingkakat do wawayaan koritapi id poinsomok do Teluk Brunei. Abaagi o kakadaian Beaufort kumaa duo boogian ii nopo nga boogian kotonobon om boogian kosilahon. Bawang Padas sabaagi pialatan do boogian-boogian diti. Boogian kotonobon Beaufort nopo nga monurupu do koundarangon koritapi di popiromut Bukau om Weston. Boogian kosilahon nopo nga monurupu koundarangan di popiromut Kota Kinabalu om Tenom.

Pinosiliu nogi Beaufort sabaagi longkod kotoinaan Koporintaan Komponi Kipiagam Borneo Koibutan Boritis. Pinatahak o tongungan kumaa songulun Tupisor Watas montok monurupu kotoinaan Beaufort om nogi kinoyonon di poinsomok do Beaufort poingampai nogi Kuala Penyu, Membakut, Menumbok om Klias.

Pomutanaman nopo nga iso abaabayan di apangkal montok mogigion Beaufort. Sabaagi poomitanan pomutanaman sagu di usahaon do mogigion sandad om nogi pongindapu Eropah. Sundung tu ingkaa, id kotimpuunon abad-20, pinofokus di o pananaman gata tu kapanahak do kounalan kumaa i mogigindapu. Koburuon id suang do pananaman gata minanakadai kumaa koburuon om koingkakatan Watas Beaufort om nointutunan Beaufort saabagi kakadaian gata.

Minomoguno mogigion Beaufort bawang Padas om Bawang Klias sabaagi wawayaan tapangkal montok mongoi id isoiso kinoyonon. Apangkal bawang Padas montok popiromut piipiro watas miagal ko Tenom, Sipitang om nogi Weston om Bawang Klias popiromut Menumbok. Kounalan nopo bawang ontok dii nga montok momirangkat aasil di padagangon. Pinotingkod o operasi Koritapi Weston-Beaufort id toun 1963 soira nopongo o talun di popiromut Weston om Sipitang.

Notutupan o wawayaan koritapi Tenom-Melalap ontok nokootus Pisangadan Pomogunan Ko-2. Wawayaan koritapi Beaufort-Bukau nga notutupan soira nosiliu o polobuhan Kota Kinabalu sabaagi polobuhan di tapangkal montok British North Borneo Chartered Company.

Beaufort nogi nga noontok bagas mantad sangod do souder Australia ontok sangod pomogunan koduo. Mantad dii, okito o tugu kopoingatan miampaping do Upis Watas Beaufort.