Wp/btm/Sejarah Mandailing
Sejarah Mandailing Natal di stanza pasadahon syair napa 13 negarakartagama adongma disi tarsurat golar ni mandailing dohot pane, nung i di stanza napaduana adong busema golar ni padang lawas. harani i mada mandailing mandung do on di tanda i halak di nusantara marabad-abad sian najolo dompak so maso ni negarakartagama dope harana daerah nadung lolot do mandiri dohot mampunai posisi na ponting maia na icatat ni Mpu Prapanca.
Kabupaten mandailing Natal on marupaon daerah panyangga antara komunitas na marbeda sistem kekerabatan na sian batak toba i Tapanuli Utara na namanganut sistem patrilineal dohot minangkabau na manganut sistem matrilineal i sumatera barat. Sabagai komunitas panyangga kadua na kabudayaan on, masyarakat mandailing mangalami proses akulturasi sian nilai-nilai budaya nai on nadua na komunitas on malalui kontak budaya na intensif, alai dapot mamparkayo budi pekerti nalai sian keperibadian sian budipekertinai ima marupa kalugasan dohot ketegaran nai sian utara pula sian selatan ima kecerdikan nai.
Hal on mararti samuloi on pangalaman akhir abad na pa-14 na suku bangsa dohot wilayah namargolar mandailing mandung do iakui, sayangna salamo lobi sian lima abad on. Mandailing mago songkonon itolon sude sejarah naonan, baru nung do abad na pa-19 on atia belanda manguasoi tano na gok on sumber daya alam na mandailing mancatat sejarah na baru.
Baru tardapot do on persi namarbeda sian golar ni golar ni natal on, adong mandokon na I bangsa Portugis namalen golar on arani baen na sampe alai tu daerah pantai barat I mandailing Natal on. Alasan na ima pas alai sampe tu pantai barat on ro songkonon mandapot kesan alai malalui situasi alam ni pantai barat on ima mangigotkon tu alai Pelabuhan Natal I ujung selatan Benua Afrika, adong juo na mandokon na armada ni portugis on sampe inatal ima pas ari natal jadina alai manggolari pantai barat on manjadi Natal. Adong pe versi nalain nai ima manegaskon bahasona golar natal inda dog sama sekali hubungan na sian kota Pelabuhan natal Afrika selatan dohot inda adong juo kaitan na dohot arinatal.
Puti Balkis A. Alisjahbana, adik kandung pujangga Sutan Takdir Alisjahbana, mandokon bahasona hata Natal marasal sian sua ungkapan pendek masing-masing ibagasan saro mandailing dohot Minangkabau.
Ungkapan on ibagasan saro mandailing ima “natarida” ima pula saro Indonesia Terlihat (sian halaklai gunung-gunung Sorik Marapi I Mandailing). Ungkapan on manjadi marubah ma tu Natar. Sampe sannari tarmasuk batang natar tu batang natal.
M. Joustra, tokoh Bataksch lnstituut, juga menuliskon golar Natal on dohot Natar ibagsan ni tulisan nia De toestanden in Tapanoeli en de Regeeringscommissie na I baen ibagasan Bataksch instituut no. 13 taon 1917 alaman 14, na antara nalain nai ima pature dalan tu natar an anso bisa lewat padati.[1]