Wp/bgn/کهــــــول و زندگی

{{[[تراشوان:{{{1}}}|{{{1}}}]]}}

زندگی به طبیعت تا

زندگی، کهول یا حیات ، فاصله شه ودی بوتین تا مورتین ئا گوشنت که زندگین موجودات ودی ئه به ینت رشت ئه کننت و توو ئه به ینت و آخر هم پیر ئه به ینت و میرنت که موچ شه خداوندپاک (ج) قدرت ئان انت.

چون جووان زنده گی بکنن

ای سکی به کهولی پکروخیال واوانی توانی سرا اثر داریت که آوانی پکریین بی واکئیی سببه بیت وناورین اثرونتیجه داریت .امی وطنی سدیا 98 جنین زاهگ ناوانندگ انت که به دیمی زمانگا گوستگین رجیم آوانی وانندگئیی سرا هچرازی خیالداری نکرتگنت پمیشا نا وانندگ منتگنت ، شه دگه نیمگی جارنبوتگین مروجنگ سبب بوتگیت که امی وطنی گیشترین کهول وآوانی باسک بیسواد وبی روزگار ماننت . همی انون امی وطنی کهول گون مزنین سکیان دیم په دیم استنت وسکین گزرانی را دیما برنت ، بازین جن ومردی شه سواد ووانندگیا بی بهر انت که ای کار زندگئیی تهلین دوره زانتگه بیت ، پمیشا زندگئیی انونین لوت ومخسدانا جواب داتگه نه کننت . ای روش ودراین حقیقتی انت که وانندگی وسواد به کهولی ودودیمرییا اهمیت کرزین نخشی داریت ، درگتی که به کهولی تها سکیی ودی بیت وانندگین باسک آیرا گون دلیل وگپ وهبرا حله کننت ، نه کلنت که به مزنین سکئیی بدل بیت . به بعضی کهولان دیستگه بیت که یکی تعلیم داریت وآدگه بی تعلمین مردمی انت ، شه بی تعلیمین مردمی نیمگا سکی ودیه بیت ، پمیشا کرتگه نه کنت که وتی هورین شریکین زندگیا گون جوانین پکروخیالی حل بکنت ، جن ومردچشین بستگئیی دارنت که په آسانی یکی شه آدگرا جتابوتگه نه کننت دگه ضرورانت که په زندگئیی دیما برگا شه هردونیمگا نیکین نیت باید ودی بیت .مان امی وطنا چشین جاور دود انت که اگه به کهولی تها سکی ودی بیت مردین زاهگ شه زوروگرونچگا کاره گیت وبه ای پکروخیالا کپیت که باید وتی جناگون ترسا دیم په دیم کنت ، په آیی گشیت که اگه وترا په شرین گزارهء تیار مه کنی من دگه جنی گرین . ای کار نه ایوکا هردوکینانی زندگیا خرابه کنت بلکین هردوکینانی زندگئیی خراب بوگی سببه بیت وای جاور په هردوکینان آسرونتیجه نداریت اگه کهولی دوباسک یعنی پس وماس سازش نه کنگی راها گچین بکننن به چشین جاوری زندگئیی دیما برگ باز سکه بیت وبه اولادانی سرا بدین اثری دوره دنت ، بازین روانی وپکریین ناجوریانی سببه بیت ، ایوکا پس وماس گون ناجوره بنت آیی پهنادا کهولی مچین باسک ناجوره بنت ، زاهگانی ودودیمریی سرا بدین اثری دوره دنت . بازین از دارین مردم که نه زاننت شه وتی ملک وداراییا چوش وندوبهر بروزنت دگه به ای پکروخیالا کپنت که چنت وار گس بکننت به حقیقتا آوانی ای کارکهولی جوانین جاورا تهکه کنت وگون هرروچی گوزگا وتی زندگیا خرابه کننت ووت شه وتی جندی دستا بدین جاوری را جوره کننت . کهولی مزن که هما پس وماس انت وظیفه وذمه واری دارنت که په کهول واولادانی گهبودیا وآوانی پکروخیالی آرامیا به امن وایمنین جاوری گون هورین سلا وشورا شه سکیانی ودی بوگا دیمگیری بکننت . ای کار شه یک نیمگی کهولی نیاما سکیانا گاره کنت شه دگه نیمگی اولادانی ودودیمریی سببه بیت . کهولی مزن باید وتی اولادانی شرین رودینگ وآوانی آیوکی سرا هر نیمگین خیالداری بکننت تا که آوانی پکروخیال تاوانی مه بیت . کهولی مزنین باسک باید وتی زندگئیی مچین بهران چاری گری بکنت تا که دنی مردمانی دست مان دیگ گون آوانی ناورین پلانان کهولی زندگیا گون سکی وسدوپونگان دیم په دیم مه کنت .هرکهولی لوت ومخسدایشنت که به آیوکا آوانی زهگ په شری رودینتگ بنت . اگه به لوگی تها هروهده مروجنگ وبدبری بیت ای کار اولادانی سرا بدین اثری داریت وآوانی پکروخیالی سرا تاثیره کنت ، اولادی که روانی وپکریین ناجوری داشته بنت آ به راجی دردا نه ورنت وشه آوان کاری جوره نه بیت . سوبین کهول باید ای مچین هبرانی سرا وتی خیالا داشته بینیت که آوانی هبر وکردار به گوندوانی سرا باز بدین اثری دوره دنت ، پمیشا کوشست بکننت که شه مخالفت ودشمنیا به لوگی تها دوری بکننت ، آوانی جدوجهد ایش بیت که سالمین اولادی به وتی وطن وراجا تسلیم برینت .

گیپتجاه

• [۱]

{{[[تراشوان:{{{1}}}|{{{1}}}]]}}