Wp/bew/Mustapa Kamal Basah
| Sex or gender | male  |
|---|---|
| Country of citizenship | Turkey, Ottoman Empire |
| Name in native language | Mustafa Kemal Atatürk |
| Birth name | Ali Rıza oğlu Mustafa |
| Given name | Mustafa, Kemal |
| Family name | Atatürk |
| Noble title | pasha, Ghazi |
| Nickname | Türklerin babası, Father of the Turks, თურქების მამა |
| Date of birth | 1881 |
| Place of birth | Thessaloniki |
| Date of death | 10 November 1938 |
| Place of death | Dolmabahçe Palace |
| Manner of death | natural causes |
| Cause of death | liver cirrhosis |
| Place of burial | Anıtkabir, Ethnography Museum of Ankara |
| Father | Ali Rıza Efendi |
| Mother | Zübeyde Hanım |
| Sibling | Makbule Atadan |
| Spouse | Latife Uşaki |
| Native language | Turkish |
| Languages spoken, written or signed | Turkish, Ottoman Turkish, French |
| Writing language | Turkish, Ottoman Turkish |
| Position held | President of Turkey, Member of the Grand National Assembly of Turkey, Chairman of the Cabinet of the Executive Ministers of Turkey, Prime Minister of Turkey |
| Educated at | Turkish Military Academy, Monastir Military High School, Ottoman Military College |
| Residence | Thessaloniki, Şahinbey |
| Work location | Ankara |
| Member of political party | Republican People's Party |
| Ethnic group | Turks |
| Eye color | blue |
| Hair color | blond hair |
| Handedness | right-handedness |
| Military rank | Mareşal |
| Military branch | Turkish Land Forces |
| Member of | Vatan ve Hürriyet, Committee of Union and Progress |
| Owner of | Foks |
| Nominated for | Nobel Peace Prize |
Mustapa Kamal Basah (hurup Arap gundul: مصطفى كمال باشا; basa Turki: Mustafa Kemal Paşa) atawa nyang sekarang lebi mashurnya Mustapa Kamal Atatürk (hurup Arap gundul: مصطفى كمال آتاتورك, basa Turki: Mustafa Kemal Atatürk; idupnya: 1881 – 10 Nopèmber 1938) ada satu marsekal èn negarawan Turki nyang jadi persidèn Kiblik[1] Turki sedari 1923 ampé wapatnya di tahon 1938. Atatürk kendiri artinya 'babanya orang Turki.
Dia mulain perobahan kalo negara bangsa[2] Turki didasarin ama kebangsaan sosial èn èkonomi, nyang modèren èn numbras ama peradaban Kulon (kaya' modèlannya sékularisme Prasman nama laïcité).
Mustapa Kamal pas lahir namanya cuman Mustapa (basa Usmani: مصطفى Mustafa, Turki: Mustafa). Dia lahir di tahon 1881, pasnya di wilayah Salanik atawa Tésalonika, Makèdoni (sekarang Yunani). Salanik, itu waktu, masing bagèan deri Kesultanan Usmaniah. Pas masing sekolah, dia ambil nama Kamal (basa Usmani: كمال Kemal, basa Turki: Kemal); èn pas jadi persidèn, dia ambil nama Atatürk (basa Usmani: آتاتورك Atatürk). Dia punya baba namanya – Ali Rèda Apandi (basa Usmani: على رضا افندى Ali Rıza Efendi, Turki: Ali Rıza Efendi). Dia punya enya' namanya – Jubaèdah (basa Usmani: زبيده خانم Zübeyde Hanım, Turki: Zübeyde Hanım). Dia juga punya adè' wadon, namanya Makbulah (basa Usmani: مقبوله Makbule, basa Turki: Makbule). Dia jadi opsèr soldadu èn jadi opsèr jèndral nyang beasil banget di Kesultanan Usmani di Perang Dunia I, èn betempur di Galipoli.
Pas Usmaniah ambreg abisnya perang, Kamal Basah ngeja pegerakan kemerdèkaan, nyang ngeja Kiblik Turki baru nyang sékulèr. Artinya, tu negara kaga' lagi dipimpin ama pemimpin nyang turun-temurun atawa pemimpin agama. Penyaba nyang dateng di Turki sering kagèt ama pentingnya Kamal Basah punya kasi di Turki.
Cuman sedikit negara nyang ada punya orang kaya' gitu sepanjang sejarah. Dia berasil jadi kumendan militèr, terus ngeja kiblik kesatuan nyang didasarin ama wèt dasar[3] èn nerepin perobahan nyang mulain Turki jadi negara baru nyang bekembang. Dia ada ngasi tuladan ke banyak pemimpin abis-abisnya, kaya': Amānullāh Khān, Rèda Syah Pahlawi (Reza Shah Pahlavi), Adolf Hitler, Habib Bourguiba, Jamal Abdunnasir (Gamal Abdel Nasser), Sukarna (Sukarno), èn John F. Kennedy.[4]
Dia ada punya enem asas nyang masing dipaké jadi tiang patok dalem ngeja pemerèntahan kera'yatanan[5]:
- Kekiblikan[6]: Ngganti pemimpin turun-temurun ama persidèn nyang dipilih.
- Kebangsaan[7]: Anterwarga negara sili tulung-tulungan bekerja dengen bangga bakal kepentingan barengan.
- Sékularisme: Misahin agama deri pemerèntahan èn ngejamin kebébasan beagama èn kesadaran di masarakat.
- Kewargaan[8]: Kesamaan antéro masarakat di muka wèt[9].
- Kepemerèntahanan[10]: Sistim èknomi nyang nggabregin maskepé[11] swasta ama monopoli industri gedé nyang dibiayain pemerèntah.
- Répolusionisme: Dasar deri lima asas nyang laènnya. Mengrikut kebutuan masarakat, terobosan nyang dibutuin ama jaman dan èlmu penauan misti dikeja sesigra-sigranya.
Ruju'an
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
- ↑ Negara bangsa (hurup Arab Gundul: نݢارا بڠس) – nation state (Ing.).
- ↑ Wèt dasar (hurup Arab Gundul: ويت داسر) – konstitusi (Indo.); constitution (Ing.); grondwet (Wld.).
- ↑ Remarks on the 25th Anniversary of the Death of Kemal Atatürk, 4 November 1963. Berekas audio di: jfklibrary.org.
- ↑ Kera'yatanan (hurup Arab Gundul: كرعيتنن) – demokrasi (Ind.); democracy (Ing.).
- ↑ Kekiblikan (hurup Arap Gundul: ککبليکن) – republicanism (Ing.).
- ↑ Kebangsaan (hurup Arap Gundul: کبڠساءن) – nationalism (Ing.).
- ↑ Kewargaan (hurup Arab Gundul: کورݢاءن) – populism (Ing.).
- ↑ Wèt (hurup Arab Gundul: ويت) – hukum (Indo.); law (Ing.); wet (Wld.).
- ↑ Kepemerèntahanan (hurup Arab Gundul: كفميرنتهنن) – statism (Ing.).
- ↑ Maskepé (hurup Arab Gundul: مسكفى) – perusahaan (Indo.); enterprise (Ing.); maatschappij (Wld.).