Wp/bew/Kuwét
| Daulat Kuwét دولة الكويت (Arab) Daulat al-Kuwait | |||
| |||
| |||
| Ibu negeri | Kuwét Kota | ||
| Nama pengendek | Kuwét | ||
Kuwét (hurup Arab Gundul: كويت; basa Arab: الكويت al-Kuwait) atawa resminya Daulat Kuwét (hurup Arab Gundul: دولة كويت; basa Arab: دولة الكويت Dawlat al-Kuwait) entu atu negara Arab kecit (cuman sekitar 17.819 km2) di Wètan Tenga. Ni negara punya hopstad[1] – Kuwét Kota.
Kuwét entu negara nyang paling maju sosialnya di kawasan Telok. Ni negara, bagèn kecit, tajir punya. Ni negara ada punya sèrep minyak menta kira-kira 96 miliar barèl. Sèrep minyak menta entu minyak nyang masing ada di tana èn belon dikeduk èn dicuci. Kuwét ada punya 10% deri semua sèrep minyak dunia. Ni negara bikin duitnya paké dagang minyak. Duit bolé dagang minyak entu 95%-nya deri duit bolé èkspor ke mana-mana negara. Sebagé lagi, duit bolé dagang minyak entu 80%-nya guwernemèn punya pemasupan. Kuwét sekarang gencer-gencernya samenwèrekan ama banyak maskepé minyak laèn-laèn negara bakal ngeja ladang-ladang minyak di blèlirnya ni negeri.
Sebab lantaran Kuwét punya cuaca susa ujan, susa juga' dah tu nandur apa-apa. Mangkanya, ni negara ngandelin mancing ikan ama beli makanan deri laèn-laèn negara. Sekitar 75%-nya ni negara punya aèr minum kudu disuling dulu, biar garemnya diilangin, atawa beli juga' deri negara laèn.
Selamanya tahon 1990, Irak nyerang Kuwét, nyang nengerin awal Perang Telok Pertama. Kuwét punya agama resmi – agama Selam, bagèn kata 15%-nya deri seruruh penduduk agamanya Serani atawa Hindu. Basa Arab entu basa nyang paling banyak dipaké di Kuwét, cuman orang Kuwét pada bisa basa Inggris. Kuwét entu atu deri sedikit negara nyang ada punya onderwès[2] bakal semua umur.
Ruju'an