Wp/bew/Internèt

Internèt atawa internit (hurup Arab Gundul: انترنت; gancetan deri basa Inggris interconnected network 'jejala nyang pating kecangcang atawa keubung') atawa anterjala entu atu sistim jejala kumpiuter nyang sili kecangcang seantéro dunia paké pakèt protokol cetèkan internèt (TCP/IP) bakal nyangcangin alat di mana-mana dunia. Ni entu jejala deri jejala nyang kebentuk deri jejala perorangan, umum, akademik, bisnis, èn guwernemèn setempat ke lingkup dunia, dicangcang ama macem-macem tèhnolohi lèstrik, sonderkabel, èn jejala optik. Internèt ngeboyong macem-macem sumber ungkulan èn ladènan inpormasi, kaya' dokumèn hipertèks nyang saling kecangkol èn aplikasi Jala Jembar Jagat (WWW), surat lèstrik, tèlpon, èn dumanan berekas.