Wp/arq/هريسة
هريسة[edit | edit source]
هي جاية كي شغل معجون تاع فلفة حمراء حارة اصل تاعها من تونس. نيبسو الفلفلة الحمرا الحارة ف الشمس و نيبسوها من بعد نطحنوهاصوا مع القراوص ولا مع الكمون و القصبر و الكروية بلا ماننساو الطوماطيش ميبسة و ناشفة.من قبل كانو يصنعو الهريسة م الفلفلة الحارة بلا مانيبسوها و لا فلفة حارة طايبة على البخار و مدقوقة. خطرات تتباع الهريسة ف قرع صغار بصح كاين لي يبيعوها ف قوطي مبلع.تختلف من بلاصة لاخنها على حساب نوع تاع الفلفلة,و الذوق تاع الصنعة تعها,و زيد الهريسة تاع القبايل مصنوع م السسفندة اليابسة ,التوم ,الزيت ,الملح و شوي قراوص.
التاريخ تاعها[edit | edit source]
اصل الاسم تعها[edit | edit source]
الاصل تاع الكلمة (هريسة) جاي من الفعل (هرَس )يعني يسحق,يطحن ولا يدق.كاينة نوع تاع هريسة تاع فلفل حار بصح يجي مسكر يزيدولو اللوز و السيرو تاع السكر (الشاربات),هاد الديسار يحضروه بزاف ف المروك و حتى في تونس.
الماكلة تاعها[edit | edit source]
الهريسة نقدرو نقولو عليها تكون كيما القراوص و لا من المكونات ,خطرات نزيدوها للماكلة ,كيما الطعام (الكسكس)ولا الكفتة و تاني نحضرو بيها ليسوندويش.لاصوص المعروفةو اللي يستعملوها بزاف في تونس لانها م المكونات الرئيسية في طيابهم سيرتو في جربة و منطقة الساحل و في الراس الطيب و ف الشرق الجزايري تاني.ف المناطق المعزولة هادو السكان يصنعوها لروحهم,نقدرو نلقاوهم يطيبو بيها في الشمال تاع الدزاير.
التجارة تاعها[edit | edit source]
التصدير تاع الهريسة راه في تطور ,على حساب واش قال مركز النهوض للصادرات في تونس ,باعو كثر من 2800 طن في عام 2002 و زادت 5148 طن في عام 2006,وزيد 7791 طن في عام 2007 , 8490 طن في عام 2008 و فاقت حمولة 15000 طن في 2011. في عام 2015 تونس صدرت الهريسة ل 27 دولة منهم ليبيا,فرنسا,دزاير,بلجيكا,لالمان,طاليان و كندا.