Wp/arq/راي

الراي هو نوع من الموسيقى الجازايرية وهو معروف بزاف عند الجازايريين وشعوب بلدان اخرى مجاورة, اسمه جاي من كلمة "الرأي" بالعربية الفصحى, هاذ النوع تاع الموسيقى قديم يقولو المؤرخين انه بدا فالقرن 18 فالغرب الجازايري فجوايه مدن كيما وهرن, عين تموشنت, بلعباس وغيليزان [1] الراي تاع اليوم تبدل بزاف على تاع بكري, پاريكزومبل بكري الناس كانو يسمو المغنيين تاع الراي الشيخ ولا الشيخة لي تبدل اسمهم فليزاني 1970 باش يولي الشاب ولا الشابة ودخلو عليها تاني آلات موسيقية ماكانتش كاينة فالراي من قبل كيما الفيولو (الكمان), اكورديون, الڨيطارة, الكلارينات, والقيطار اليكتريك, وبدا الراي يوصل للعالمية من ليزاني 1980 وين بدا ينشهر فبلدان كيما فرانسا المروك وتونس بفضل مغنيين بزاف كيما الشاب حسني, الشاب خالد و الشاب مامي . [2]