Wp/arq/الـشاب مامي
هاذ الـآرتيكل مازال ناقـَص، يلا بغيتو تزيدو فيه، كليكيو هنا [1]
محمّد خليفاتي ولا الـشاب مامي، موغنـّي تع الـراي مَشهور فل جازاير و فل عالَم، زايَد ال 11 جويّه 1966، ف حومة كرابا الـواد، غرب مدينة سعيده.
عيشتـهُ [edit]
-بان الـخطره الـلوّله عام 1982، ف موسابقه، ب تمتالهُ تع غـُنيه معروفه، الـمرسَم.
-بين 82 و 86 سجّل قريب عَشر كاسيطات، ب مابين 100.000 ل 500.000 بيعه.
-عام 85 شارَك ف فيستيفال تع راي ف بوبيني معا خالَد، فاضيله و صحراوي.
-عام 91 سجّل ف لوس أنجلس الالبوم "Let Me Raï"، بصّح ما نجحش فيه علاجال حرب الـخاليج لي كانت صاريه ف ذاك الـقيس، و لزم عليه يـستنىّ حتا لل 94 باش يـنشهر ب غنيتهُ، سعيده.
-
قاضيتهُ معا الـشرَع [edit]
-ف نوفومبْر 2005 نحَطـّت عليه شكوه معَند فرانساويّه كان يـخرُج معاها، تخدم صوّاره تع صحافه فل وساط تع الـراي. تهماتهُ بلي حَب يطيّح لها الـطفَل الي جابهُ معاها، بل خشونيّه (ضرب،...) مور ما كانَت روفوزات تـطيّحهُ فل سبيطار.
- فل 3 جويّه 2009، حكم عليه دار الـشرَع تع بوبيني ب 5 سنين حَبس بلا خروج، علاجال الـخطيّه لي داَرها.
