Wp/apc/تايلور سويفت

تايلور أليسون سويفت (خلقة بـ١٣ كانون الأوّل ١٩٨٩) مطربة أمركانية وكاتبة أغاني. بلّشة كتابة الأغني لما كانة ١٤.

بـ٢٠٠٥ وقَّعِت عقد مع "بيگ ماشين ريكوردز" وصارت تغني موسيقة كانتري (بالإنجليزية: country music). أصدرة ستّ ألبومات هيّ وعم تشتغل مع "بيگ ماشين ريكوردز". أول ألبوم صدرتو كان بإسما (٢٠٠٦). تاني واحد، "جريئة" (٢٠٠٨)، كان في نوع الموسيقة الكانتري پوپ. كمان صدرت "تايلور سويفت" غنيتين منفردين يلي شَهَروها: "قصة حب" و"مكانك معي". ألبوما "هلأ حكي" (٢٠١٠) كان فيو نوع موسيقة روك، والألبوم "أحمر" (٢٠١٢) كان فيو غنية "ما رح نرجع لبعض أبدًا"، أول غنية طلعِت الأولة بـ"بيلبورد هوت ١٠٠"—الترتيب الأسبوعي للأغاني بالولايات المتحدة. بـ٢٠١٤ صدرت ألبوم "١٩٨٩"، يلي فارقت في عن موسيقة الكنتري؛ كانت نوع موسيقة الألبوم سينثبوب، وبالألبوم الأغاني يلي كانت الأولة بتراتيب الأغاني: "شيك إت أوف" و"بلانك سبيس" و"باد بلود". التدقيق الإعلامي ألهم ألبوم الهيپ هوپ "سِمعة" (٢٠١٧) والغنية المنفردة "شوف شو عَمَّلتني".