Wn/shn/Microsoft လႆႈသုမ်းၵၢၼ် တင်းၼမ်

ဝၼ်းဢင်းၵၢၼ်း၊ ၸၼ်ႇဝႃႇရီႇ 24၊ 2023 

မိၵ်ႈမၢႆ Microsoft

ၼႂ်းၶၢဝ်ႇၶဝ် မွၵ်ႇလၢတ်ႈဝႃႈ Microsoft တေတတ်းၵၢၼ် မွၵ်ႈလၢႆလၢႆႁဵင်။ ၵူၼ်းတင်းၼမ် တေဢွၵ်ႇယၢၼ် တီႈ ႁူင်းၵၢၼ် ဝႃႈၼႆယဝ်ႉ။ ၼႂ်းပီလႃႈသုတ်းၼၼ်ႉ လွၵ်းၵၢတ်ႇတုၵ်းယွၼ်း ၶွမ်းၼႆႉ ပဵၼ်ဢၼ်တႅမ်ႇလူင်းမႃးဝႆႉ။ ၵူၼ်းၼႆႉ ဢမ်ႇဢွၼ်ၵၼ် သိုဝ်ႉ ၶွမ်းတင်းၼမ်ယဝ်ႉ။ ၶၢဝ်ႇငၢဝ်းဢၼ်ၼႆႉ မၼ်းပဵၼ် ၶၢဝ်ႇႁၢႆႉတွၼ်ႈတႃႇ Microsoft ယဝ်ႉ။ ၵၢၼ်ငၢၼ်းမၼ်းၵေႃႈ ဢမ်ႇပေႃးၶႅမ်ႉမႃးယဝ်ႉ။ မၼ်းတေလႆႈ ပႅင်းၸၢႆႇငိုၼ်းမၼ်းယဝ်ႉ။ ၼႂ်းၶၢဝ်ႇဝႃႈတႄႉ ၵူၼ်းႁဵတ်းၵၢၼ် Microsoft တႃႇ 11,000 ၵေႃႉၼႆႉ တေလႆႈ သုမ်းၼႃႈၵၢၼ်ၶဝ်ယဝ်ႉ ဝႃႈၼႆ။ ၼႂ်းတွၼ်ႈၵၼ် ပၢႆးထႅၵ်ႉၼၼ်ႉ မၼ်းလႆႈမီးပၼ်ႁႃဝႆႉယဝ်ႉ။ တီႈႁူင်းၵၢၼ်ၶွမ်ႇပၼီႇလူင် သွင်ဢၼ်ၵေႃႈ လႆႈတတ်းၵၢၼ်မိူၼ်ၵၼ်ၼင်ႇၵဝ်ႇ။ ၶွမ်ႇပၼီႇၸိူဝ်းၼၼ်ႉတႄႉ ပဵၼ် မႄႇတႃႇ လႄႈ ဢမေႇၸူၼ်ႇယဝ်ႉ။ ၶဝ်တမ်းၽႅၼ် တွၼ်ႈတႃႇ သၢႆငၢႆပၢႆးမၢၵ်ႈမီး ဢၼ်ႁၢႆႉၸႃႉၼၼ်ႉယဝ်ႉ။ ယွၼ်ႉပိူဝ်ႈဝႃႈ ၶဝ်ၵေႃႈ လူဝ်ႇလႆႈ ပႅင်းၸၢႆႇငိုၼ်းၶဝ်ၼၼ်ႉယဝ်ႉ။