Wn/shn/ႁွင်ႈၶၢဝ်ႇဢီႇရၢၼ်း ဝႃႈ ၸဝ်ႈၸွမ်ၸိုင်ႈ လႄႈ ၽွင်းလူင်ၵၢၼ်ၼွၵ်ႈမိူင်းဢီႇရၢၼ်း တၢႆၵႂႃႇယဝ်ႉ

Add links
From Wikimedia Incubator
< Wn‎ | shn
Wn > shn > ႁွင်ႈၶၢဝ်ႇဢီႇရၢၼ်း ဝႃႈ ၸဝ်ႈၸွမ်ၸိုင်ႈ လႄႈ ၽွင်းလူင်ၵၢၼ်ၼွၵ်ႈမိူင်းဢီႇရၢၼ်း တၢႆၵႂႃႇယဝ်ႉ

ဝၼ်းၸၼ်၊ မေႇ 20၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ မိူင်းဢီႇရၢၼ်း
ႁူမ်ႈသၢင်ႈ!
Wn/shn/ဢီႇရၢၼ်း
Wn/shn/ဢီႇရၢၼ်း
ၸဝ်ႈၸွမ်ၸိုင်ႈ ဢီႇရၢၼ်း ဢီႇပရႃႇႁိမ်ႇရၢႆးသီႇ

သိုဝ်ႇၶၢဝ်ႇၸိုင်ႈမိူင်းဢီႇရၢၼ်း လႆႈပိုၼ်ၽၢဝ်ႇပဵၼ်တၢင်းၵၢၼ်ဝႃႈ ၸဝ်ႈၸွမ်ၸိုင်ႈဢီႇရၢၼ်း ဢီႇပရႃႇႁိမ်ႇရၢႆးသီႇ လႄႈ ၽွင်းလူင်ၵၢၼ်ၼွၵ်ႈမိူင်းဢီႇရၢၼ်း ႁူးသဵၼ် ဢမီးရ် ဢႅပ်ႇတူဝ်းလႁီႇယႅၼ်ႇ ၶဝ် လႆႈတၢႆၵႂႃႇ တီႈၼႂ်း လွင်ႈႁိူဝ်းမိၼ် မႅင်းမီႈ လုတူၵ်းၼၼ်ႉယဝ်ႉ ဝႃႈၼႆ။

မိူဝ်ႈ မေႇ 19 ၼၼ်ႉ ႁိူဝ်းမိၼ်မႅင်းမီႈ ဢၼ် ၸဝ်ႈၸွမ်ၸိုင်ႈဢီႇရၢၼ်း လႄႈ ၽွင်းလူင်ၵၢၼ်ၼွၵ်ႈမိူင်းဢီႇရၢၼ်းၶဝ် ပႃးၵႂႃႇၼၼ်ႉ လႆႈႁၢႆၵႂႃႇတီႈ ထုင်ႉသၼ်လွႆ တီႈလႅၼ် ဢၼ်မိူင်းမူဝ်းႁႅင်းၼႃႇၼၼ်ႉလႄႈ ၸုမ်းၽူတ်ႇၸွႆႈဢီႇရၢၼ်းၶဝ် လႆႈၽွမ်ႉၵၼ်သွၵ်ႈႁႃမႃးသေ ထိုင်ဝၼ်းမိူဝ်ႈၼႆႉ (မေႇ 20)ၼႆႉ လႆႈႁႃႁၼ် ႁိူဝ်းမိၼ်မႅင်းမီႈဢၼ်လုလႅဝ်ဝႆႉၼၼ်ႉသေ မိူဝ်ႈတႄႇမၼ်းတႄႉ လွင်ႈဝႃႈၶဝ်သွင်ၵေႃႉ တၢႆဢမ်ႇတၢႆဢၼ်ဝႃႈၼၼ်ႉ ဢမ်ႇပႆၸၢင်ႈယိုၼ်ယၢၼ်မႃးသေတႃႉ ယၢမ်းလဵဝ်တႄႉၵေႃႈ မိူင်းဢီႇရၢၼ်း လႆႈယိုၼ်ယၼ်ပဵၼ်တၢင်းၵၢၼ်ဝႃႈ ၶဝ်သွင်ၵေႃႉ လႆႈတၢႆၵႂႃႇယဝ်ႉဝႃႈၼႆ။

ၽူႈၼမ်းဢီႇရၢၼ်း ဢယႃႇတူဝ်ႇလႃႇဢလီႇၶႃႇမေႇၼီႇ လၢတ်ႈမႃးဝႃႈတႄႉ ၵဵဝ်ႇၵပ်းလူၺ်ႈ လွင်ႈၽူႈဢွၼ်ႁူဝ်ဢီႇရၢၼ်းသေ ၵူၼ်းမိူင်းဢီႇရၢၼ်းၶဝ် ဢမ်ႇတၢပ်ႈလူဝ်ႇမႆႈၸႂ်သေ တီႈၵၢၼ်ငၢၼ်းၸိုင်ႈမိူင်းၼၼ်ႉၵေႃႈ တေဢမ်ႇမီး လွင်ႈၵဝ်းယႃႉသင် ဝႃႈၼႆမႃးယဝ်ႉ။

ၵဵဝ်ႇၵပ်းလူၺ်ႈ လွင်ႈၸဝ်ႈၸွမ်ၸိုင်ႈဢီႇရၢၼ်း လႆႈလုတၢႆၵႂႃႇသေ ၸိူဝ်းပဵၼ် ၽူႈဢွၼ်ႁူဝ် ၵူႈမိူင်းမိူင်းၵေႃႈ လႆႈမွၵ်ႇလၢတ်ႈ ၶေႃႈၵႂၢမ်းမွင်ၸႂ်ၸွမ်းယူႇ။ ၸဝ်ႈၸွမ်ၸိုင်ႈ ရတ်ႈသျႃး ဝလႃႇၻီႇမီႇရ်ပူႇထိၼ်ႇ ၵေႃႈ မွၵ်ႇလၢတ်ႈဝႃႈ မၼ်းၼႆႉပဵၼ် “ၵူၼ်းႁဵတ်းၵၢၼ်ပၢႆးမိူင်း ၶိုၵ်ႉတွၼ်းၵေႃႉၼိုင်ႈ“ ဝႃႈၼႆယဝ်ႉ။

ၽူႈမီးသုၼ်််််််ႇလၢတ်ႈ ထၢၼ်ၽွင်းလူင် ၵၢၼ်ၼွၵ်ႈမိူင်းၶႄႇ မွၵ်ႇလၢတ်ႈဝႃႈ ၸဝ်ႈၸွမ်ၸိုင်ႈၶႄႇ သျီႇၸိၼ်းပိင်ႇ မွၵ်ႈလၢတ်ႈၼိူဝ် လွင်ႈရၢႆးသီႇ လၢႆႈလုတၢႆၼႆႉ မၼ်းပဵၼ် ၵူၼ်းမိူင်းၶႄႇ လႆႈသုမ်း ဢူၺ်းၵေႃႉလီၵေႃႉၼိုင်ႈ ဝႃႈၼႆယဝ်ႉ။

ၸိူဝ်းပဵၼ် ၸဝ်ႈၸွမ်ၸိုင်ႈ သီးရီးယႃး၊ ၸဝ်ႈၸွမ်ၸိုင်ႈ ဢီးၵျိပ်ႈ၊ ၸဝ်ႈၸွမ်ၸိုင်ႈ တိူဝ်ႇၵီႇ၊ ၸွမ်ၽွင်းလူင် ဢိၼ်းတီးယႃး၊ ၸွမ်ၽွင်းလူင် မလေးသျႃး၊ ၸဝ်ႈၸွမ်ၸိုင်ႈ ဝႄႇၼေႇၸွႆးလႃး လႄႈ ၸဝ်ႈၸွမ်ၸိုင်ႈ မိူင်းႁူမ်ႈတုမ် ၸဝ်ႈၾႃႉ ဢႃႇရၢပ်ႈ ဢိၵ်ႇတင်း ၽူႈၼမ်း ၶွင်ႇသီႇယူးရူပ်ႉၶဝ် ၵေႃႈ လႆႈမွၵ်ႇလၢတ်ႈ ၶေႃႈၵႂၢမ်းမွင်ၸႂ်ၸွမ်းယူႇယဝ်ႉ။



ၶၢဝ်ႇ ဢၼ်ၵဵဝ်ႇၵပ်း[edit | edit source]


ငိူၼ်ႈငဝ်ႈတိုၼ်း[edit | edit source]

Retrieved from "https://incubator.wikimedia.org/w/index.php?title=Wn/shn/ႁွင်ႈၶၢဝ်ႇဢီႇရၢၼ်း_ဝႃႈ_ၸဝ်ႈၸွမ်ၸိုင်ႈ_လႄႈ_ၽွင်းလူင်ၵၢၼ်ၼွၵ်ႈမိူင်းဢီႇရၢၼ်း_တၢႆၵႂႃႇယဝ်ႉ&oldid=6290560"