Wn/shn/ဢိတ်ႇသရေးၶဝ် တိုၵ်ႉၶတ်းၸႂ် တႃႇလႆႈလွင်ႈၽွမ်ႉၸႂ်မႂ်ႇ လွင်ႈၵိုတ်းတိုၵ်းတင်း ႁႃးမၢတ်ႉသ်

ဝၼ်းသုၵ်း၊ ၾႅပ်ႇဝႃႇရီႇ 23၊ 2024 

ၽွင်းလူင် ၽၢႆႇၵႅတ်ႇၵင်ႈ ဢိတ်ႇသရေး

ၽွင်းလူင် ၽၢႆႇၵႅတ်ႇၵင်ႈ ဢိတ်ႇသရေး Yoav Gallant မွၵ်ႇလၢတ်ႈဝႃႈ တိုၵ်ႉၶတ်းၸႂ် တႃႇႁဵတ်းလႆႈ လိၵ်ႈႁူမ်ႈမၢႆ ၵိုတ်းတိုၵ်း ဢၼ်မႂ်ႇ တႃႇယင်ႉၵိုတ်းလွင်ႈတိုၵ်းတီႈ ၵႃႇၸႃႇ သေ တႃႇႁႂ်ႈၵူၼ်းၸိူဝ်းထုၵ်ႇတိၺွပ်းၵႂႃႇ မွၵ်ႈ 100 ပၢႆၼၼ်ႉ ႁႂ်ႈၶိုၼ်းလွတ်ႈမႃးလီလီငၢမ်းငၢမ်း ဝႃႈၼႆယဝ်ႉ။

မိူဝ်ႈဝၼ်းၽတ်းၼၼ်ႉ ၽွင်းလူင် Gallant လႆႈမွၵ်ႇလၢတ်ႈ ၽွင်းဢမႄႇရိၵၢၼ်ႇ ဢၼ်ၵဵဝ်ႇၵပ်းပွတ်းဢွၵ်ႇတွၼ်ႈၵၢၼ် ဢၼ်ပဵၼ် Brett McGurk ဝႃႈ လူင်ပွင်ၸိုင်ႈ ဢိတ်ႇသရေးၼႆႉ တေတိူဝ်းပၼ်သုၼ်ႇႁဵတ်းသၢင်ႈ ၵူၼ်းၸိူဝ်းဢၼ်ငူပ်ႉငိ လွင်ႈတႃႇႁႂ်ႈၵူၼ်းထုပ်ႇတိၺွပ်းၶဝ် လွတ်ႈဢွၵ်ႇမႃး ဝႃးၼႆယဝ်ႉ။ ၸွမ်ၽွင်းလူင် ဢိတ်ႇသရေး Benjamin Netanyahu လႄႈ ၽွင်းလူင် Gallent ၶဝ် လႆႈၶိုၼ်ႈႁွတ်ႈ ပၢင်ၵုမ် ဢၼ်ၵဵဝ်ႇၵပ်းလူၺ်ႈ ၵၢၼ်သိုၵ်းဢိတ်ႇသရေးသေ ၽွင်းလူင်ၵဝ်ႇ ၽၢႆႇၵႅတ်ႈၵင်ႈ Benny Gantz လႆႈပၼ်တၢင်းၶႆႈၸႂ်မႃး မိူဝ်ႈတွၼ်ႈၶမ်ႈ ဝၼ်းပုတ်ႉၼၼ်ႉသေ ၸင်ႇလႆႈမီး ၶေႃႈမွၵ်ႇလၢတ်ႈ တႃႇၶတ်းၸႂ် တင်း လွၵ်းလၢႆးမႂ်ႇ တွၼ်ႈတႃႇ လႆႈလွင်ႈၽွမ်ႉၸႂ် တႃႇၵိုတ်းတိုၵ်းၼင်ႇၼၼ်ၼၼ်ႉယဝ်ႈ။

တႄႇဢဝ် လွင်ႈငူပ်ႉငိတႃႇၵိုတ်းတိုၵ်း ဢၼ်ၸိူဝ်းပဵၼ် ၽူႈမီးပုၼ်ႈၽွၼ်း ဢိတ်ႇသရေး၊ ဢမႄႇရိၵၢၼ်ႇ၊ ဢီးၵျိပ်ႈ လႄႈ ၶႃႇတႃႇၶဝ် လႆႈဢုပ်ႇဢူဝ်းၵၼ်ၼၼ်ႉ လႆႈၵိုတ်းၵႂႃႇၼႂ်းဝူင်ႈပူၼ်ႉၼၼ်ႉသေ ၼႆႉ ပဵၼ် ၽၢႆႇဢိတ်ႇသရေးၶဝ် ၶိုၼ်းမွၵ်ႇလၢတ်ႈမႃး ပဵၼ် ပွၵ်ႈဢွၼ်တၢင်းသုတ်း တႃႇၶတ်းၸႂ်တူၺ်း ၸွမ်းၼင်ႇ လွၵ်းလၢႆးမႂ်ႇ ၼႆႉယဝ်ႉ။ ၵူၺ်းၵႃႈဝႃႈ တႃႇၵူၼ်းထုၵ်ႇတီႉၺွပ်းၵႂႃႇတေလွတ်ႈဢွၵ်ႇမႃးၼႆႉ ပဵၼ်ဢၼ်လွင်ႈယႂ်ႇတီႈသုတ်းသေ သင်ၸိူဝ်ႉဝႃႈ ႁႃးမၢတ်ႉသ်ၶဝ် ဢမ်ႇယွမ်းပွႆႇပၼ်ၶိုၼ်းၼႆတႄႉ ၶဝ်တေႁၢင်ႈသိုၵ်းႈတေႃႇ ဝဵင်းရႃႇၾႃႇ ဢၼ်မီး ၽၢႆႇၸၢၼ်းသုတ်း တီႈၵႃႇၸႃႇၼၼ်ႉသေ တေႁၢင်ႈသိုၵ်း ၼႂ်းၶၢဝ်းမမုတ်ႇသလိၼ်ႇၶဝ် ဢဝ်သိၼ် ဢၼ်တေတႄႇ ၼႂ်း လိူၼ်မၢတ်ႉၶ်ျ 10 ဝၼ်းၼၼ်ႉ ဝႃႈၼႆယဝ်ႉ။

သိုၵ်းဢၼ်ၼႆႉ လႆႈတႄႇမႃး မိူဝ်ႈ ဢွၵ်ႇထူဝ်ႇပႃႇ 7 ဝၼ်း လုၵ်ႉတီႈ ၸုမ်း ႁႃးမၢတ်ႉသ် ဢၼ်ၵုမ်းၵမ်ၵႃႇၸႃႇဝႆႉၼၼ်ႉ ၶဝ်ႈတိုၵ်း ဢိတ်ႇသရေးသေ ၸွမ်းၼင်ႇ သဵၼ်ႈသၢႆမၢႆ ၽၢႆႇဢိတ်ႇသရေးၶဝ်ဝႃႈ ႁႃးမၢတ်ႉသ်ၶဝ် လႆႈဢဝ်ၵူၼ်းတၢႆ 1,200 ၵေႃႉ တိၺွပ်းၵႂႃႇ ၵူၼ်း 253 ၵေႃႉၼၼ်ႉယဝ်ႉ။ ၽၢႆႇဢိတ်ႇသရေးၶဝ် ၶိုၼ်းတိုၵ်းသေ ၼႂ်းလိူၼ်ၼူဝ်ႇဝႅမ်ႇပႃႇ ၽွင်းၵိုတ်းတိုၵ်းၸူဝ်ႈၵႅပ်ႉၼၼ်ႉ ၶိုၼ်းပွႆႇပၼ်မႃး မွၵ်ႈ 100 ၼိုင်ႈၼႆသေတႃႉ တႃႇ 100 ၼိုင်ႈတႄႉ တိုၵ်ႉထုၵ်ႇတိၺွပ်းဝႆႉသေ မွၵ်ႈ 30 ၼႆႉတႄႉ လႅပ်ႈတေတၢႆၵႂႃႇ တီႈၼႂ်းမိုဝ်း ႁႃးမၢတ်ႉသ်ၶဝ်ယဝ်ႉၼႆ တပ်ႉသိုၵ်းဢိတ်ႇသရေး လႆႈမွၵ်ႇလၢတ်ႈဝႆႉဝႃႈၼၼ်ယဝ်ႉ။

ငိူၼ်ႈငဝ်ႈတိုၼ်း

• VOA News. "ဟာမတ်စ်နဲ့အပစ်ရပ်သဘောတူညီမှုသစ်ရဖို့ အစ္စရေးကြိုးပမ်းနေ" — VOA News, February 23, 2024