Wn/shn/လွင်ႈဢၢၼ်ႇၶႅပ်းၵၢင်ၸႂ် ပၢင်လိူၵ်ႈတင်းရတ်ႈသျႃး ပိုၼ်ၽၢဝ်ႇဝႃႈ ပူႇထိၼ်ႇဢွင်ႇပႄႉ

ဝၼ်းၸၼ်၊ မၢတ်ႉၶျ် 18၊ 2024 

ဝလႃႇၻီႇမီႇလ် ပူႇထိၼ်ႇ

တီႈ လွင်ႈဢၢၼ်ႇၶႅပ်းၵၢင်ၸႂ် ပၢင်လိူၵ်ႈတင်ႈၸွမ်ၸိုင်ႈရတ်ႈသျႃႈ ဢၼ်ၸတ်းႁဵတ်း မိူဝ်ႈဝၼ်းဢႃးတိတ်ႉၼၼ်ႉ ၽူႈမီးပုၼ်ႈၽွၼ်း ပၢင်လိူၵ်ႈတင်ႈရတ်ႈသျႃးၶဝ် ပိုၼ်ၽၢဝ်ႇဝႃႈ ၸွမ်ၸိုင်ႈ ဝလႃႇၻီႇမီႇလ် ပူႇထိၼ်ႇ လႆႈၶႅပ်းၵၢင်ၸႂ်ၵမ်ႉထႅမ် ႁူဝ်ပၢၵ်ႇ 88 ဝႃႈၼႆႉယဝ်ႉ။ ယွၼ်ႉပိူဝ်ႈ တိုၵ်းတေႃးႁၢဝ်ႈႁႅင်းတေႃႇ ၵူၼ်းမီးတၢင်းႁၼ်ပႅၵ်ႇပိူင်ႈၵၢၼ်မိူင်း လႄႈ ၵူၼ်းပၼ်ၶႅပ်းၵၢင်ၸႂ်ၶဝ် ဢမ်ႇမီး တၢင်းလိူၵ်ႈသင်တၢင်ႇဢၼ်သင် ၼႆယဝ်ႉ။

ပၢင်လိူၵ်ႈတင်ႈ ဢၼ်တႄႇမိူဝ်ႈဝၼ်းသုၵ်း သေ ႁိုင်သၢမ်ဝၼ်းၼၼ်ႉ မၼ်းပဵၼ် သိုပ်ႇဢႃႇယုပၼ်ထႅင်ႈ 6 ပီ တွၼ်ႈတႃႇ ပူႇထိၼ်ႇ ဢၼ်ဢုပ်ႉမိူင်းမႃး ႁိုင် 24 ပီၼၼ်ႉယဝ်ႉ။ တီႈတႂ်ႈလွင်ႈၽွင်းငမ်းႁၢဝ်ႈႁႅင်း ပူႇထၼ်ႇၼၼ်ႉ ၽႂ်ၵေႃႈ ဢမ်ႇမီးသုၼ်ႇ တႃႇထတ်းသၢင် တူဝ်မၼ်း လႄႈ လွင်ႈပၢင်သိုၵ်းယူႇၶရဵၼ်း။ ၵေႃႉဢၼ်ပဵၼ် ၽူႈၶဵၼ်ၵၢၼ်မိူင်း ပူႇထိၼ်ႇ ဢၼ်ႁတ်းႁၢၼ်သေပိူၼ်ႈ ဢၼ်ပဵၼ် Alexey Navalny ၼၼ်ႉတႄႉ မိူဝ်ႈလိူၼ်ႈပူၼ်ႉၼၼ်ႉ လႆႈၵိုင်ႉၵၢင်ႉသဵင်ႈၵၢမ်ႇၵႂႃႇ တီႈၼႂ်းၶွၵ်ႈ တီႈႁိမ်းတူင်ႇမူၼ်းဢႃႇတိၵ်ႉၼၼ်ႉသေ တၢင်ႇၸိူဝ်း ၸိူဝ်းဢၼ်ထတ်းသၢင်ပူႇထိၼ်ႇၼၼ်ႉၵေႃႈ ပေႃးဝႃႈ ဢမ်ႇတူၵ်းၶွၵ်ႈၵေႃႈ ပဵၼ်ၸိူဝ်းဢၼ် ပၢႆႈသေႃႉမီးဝႆႉယူႇ တီႈ ၼွၵ်ႈမိူင်း ၼၼ်ႉယဝ်ႉ။

ၵူၺ်းၵႃႈဝႃႈ မိူဝ်ႈၼႂ်းလိူၼ်ၾႅပ်ႇဝႃႇရီႇ ၽွင်း Navalny မၼ်းပႆႇသဵင်ႈၵၢမ်ႇၼၼ်ႉ ၸွမ်းလူၺ်ႈ ၶေႃႈတုၵ်းယွၼ်းလိုၼ်းသုတ်းမၼ်းသေ တီႈ ဢွင်ႈပၼ်ၶႅပ်းၵၢင်ၸႂ် ဝဵင်းလူင်ၼၼ်ႉ တေလႆႈႁၼ် ထႅဝ်ၵူၼ်းယၢဝ်းလူင် ဢၼ်တေပၼ် ၶႅပ်းၵၢင်ၸႂ် သၢၼ်ၶတ်း ပူႇထိၼ်ႇ ၼၼ်ႉယူႇ။ ၸွမ်းၼင်ႇ ႁွင်ႈထၢၼ်ၶၢဝ်ႇရၢႆႉတႃႇ တႅမ်ႈဝႆႉဝႃႈတႄႉ ၽွၼ်းၶႅပ်းၵၢင်ၸႂ်တၢင်ႇၸိူဝ်းၼႆႉ ၼီႇၵူဝ်ႇလၢႆး ၵႃႇရီႇတူဝ်ႇၼွပ်ႉ ဢၼ်ပဵၼ် ၼေႃႇၸွမ်ၸိုင်ႈၶွမ်ႇမိဝ်ႇၼိတ်ႉၼၼ်ႉ လႆႈ ၶႅပ်းၵၢင်ၸႂ် ႁူဝ်ပၢၵ်ႇ 4 သေ ယူႇတီႈ ထူၼ်ႈသွင်၊ ဢၼ်ပဵၼ်ၵူၼ်းမႂ်ႇ ဝလႃႇတီႇလွပ်ႉ တႃႇဝႅၼ်ႇၵွပ်ႉ ၼၼ်ႉ ထူၼ်ႈသၢမ်၊ လႄႈ Leonid Slutsky ထူၼ်ႈသီႇ ဝႃႈၼႆယဝ်ႉ။

ငိူၼ်ႈငဝ်ႈတိုၼ်း

• VOA News. "ရုရှားရွေးကောက်ပွဲ ကနဦးမဲရေတွက်မှု Putin အနိုင်ရ ကြေညာ" — VOA News, March 18, 2024
• Guy Faulconbridge and Andrew Osborn. "Putin wins Russia election in landslide with no serious competition" — REUTERS, March 18, 2024
• Anton Troianovski and Nanna Heitmann. "With New Six-Year Term, Putin Cements Hold on Russian Leadership" — The New York Times, March 17, 2024