Wn/scn/Silinunti, «lu Pupu» s'arricugghìu
sabbatudìa 24 d'uttùviru 2015
Aieri, doppu circa 2000 anni l'Efebbu turnau â Silinunti natìa e è espostu ô parcu. L'àutu patruciniu di l'Expo 2015, l'Assissuratu dê Beni Culturali e di l'Idintità Siciliana dâ Riggiuni Siciliana, lu Parcu Archiològgicu di Silinunti e Cavi di Cusa rinneru pussìbbili la rializzazzioni di st'eventu.
Lu picciottu di brunzu, di prupità dô Cumuni di Castedduvitranu ch'era cunzirvatu pressu lu Museu Cìvicu di via Garibaldi, e ora trasfirutu pressu lu Parcu Archiològgicu di Silinunti, è espostu pressu la Casa dô Viaggiaturi, ô nternu di l'Acròpuli, nta l'àmbitu dâ mostra «Selinunte accende lo spirito dell'arte greca in Sicilia, precorrendo la via dei Mulini e la Regia trazzera» idiata e curata di Emericu Amari, cunzulenti dô Sìnnacu pâ rivalutazioni e la riqualificazzioni culturali dô tirritoriu.
Ntê jorna passati ci foru pulèmichi cu na ntirrugazzioni prisintata dê cunzigghiera cumunali Giuseppi Curiale, Maurizziu Piazza e Franciscu Bonsignore, Lucianu Perricone, Pasquali Calamia e Mònica Di Bella supra li mutivazzioni ca pirmitteru a l'Amministrazzioni di prucèdiri ô trasfirimentu di l'Efebbu.
Fonti[edit | edit source]
- Eliu Indelicato «Selinunte, l'Efebo esposto al parco» – Giornale di Sicilia, 24 d'uttùviru 2015