Wn/cdo/實兆遠墾場博物館乞賊偷 野価件百年古物無塊討

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

【2018年7月19號訊】

馬來西亞實兆遠墾場博物館昨暝（18號）乞賊偷，野価件蜀百年歷史其乇做蜀下都無了。

館長廖克民講，昨暝下晝大概4點左右，館員發現部分展示櫥窗破去，有其櫥窗乞移開，野価件當地福州儂共其他居民題捐其文物都無去，介講賊來了。博物館已經共警察報案。確認乞偷去其乇，包括9隻其各種樣式其熨斗，大概蜀百年歷史；4隻䀹相機，歷史超過蜀百年；30粒古幣、古鈔，年份無辦法判定；蜀件百年陶器，是舊底樣式其雞公碗；蜀隻開檳榔其傢俬花，1950年做其；固有唯一其闆式水泵。

實兆遠墾場博物館趁有百年歷史其牧師樓改建，開館遘今旦差不多15年了。現在，博物館敆𡅏擴建，卜敆9月9號配合雙九節慶做新博物館竣工共建館15週年其活動。雙九節是曼絨福州儂慶祝開墾其日子。

博物館希望偷去古物其儂會快仂囝填乇。

消息來源

• 實兆遠墾場博物館入賊 多件百年古物失竊. 中國報.