Wn/cdo/印尼發生地震最少死兩隻儂
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2017年12月20號訊】
印度尼西亞拜五（15號）暝晡發生其里氏6.5級地震震盪遘首都雅加達共爪哇島。政府講最少死兩隻儂。
救災官員講，爪哇地區有幾落厝塌下，幾落醫院其建築乞震呆之後赶緊撤去人員。地震辰候雅加達其建築晃來晃去。
印尼政府講，尖米士地區的蜀隻62歲丈夫囝共北加浪岸市蜀令80歲其諸孃囝因為建築物倒塌死去。目前𣍐別若夥儂受傷。
印尼官員固𡅏敆𡅏評估茲蜀場當地時間半暝三更之前發生其地震造成其損壞。
美國地質測繪局講，地震其震中敆塔西瑪拉亞西南方向大概50公里其地方。
印尼政府對爪哇附近沿海地區發出海嘯警報。爪哇地區有兩億五千萬當地儂，占印尼總人口其蜀大半。夏威夷其太平洋海嘯警報中心講，未有探測遘任何海嘯其發生。
印度尼西亞位置著環太平洋火山帶，是地震共火山爆發其多發地區。
