User:Skipper Michael
From Wikimedia Incubator
Die meerschde Zeid bin ich uf See, wu mer FREIHEID noch gonz groß schreiwe duhd, greesa noch, als wie in moim geliebde Pälzer Wald. Awwer do konn isch eh schun lang nimi hie, weil'sch die Bää gabutt hon.
Geboore bin'sch in Neischdadt, genauwr: in Winzinge, in de Wädderschdroos, wu moi Großeldern gewuund hen. Moi Eldern sin dann zwaa schbeeda vun de Mosel no Grienschdadt gzooe, bevor mer weider no Worms iwwersiedld sin, awwer gelernd han isch moi Schbrooch ärschd noa de Uni, wie'sch mid de Kamara vun Schuul zu Schuul gonge bin. Desdeweje han isch aa kää roines Pälzisch sunnern ä Mischmasch vun alle Pälzer Dialekde. Sain also bidde so lieb un duud mer verbessern, wuu'sch falsch schreiwe duu.
Eischendlisch häd'sch jo gedengd, mer breechde kää egschdra pälzisch Wikipedia, awwer so, wie sisch in de deidsche de Löschterror un de Meinungsterror brääd mache duun, do wees mer jo ned, wie long daß die iwwerhaabd noch egsischdiere duud. Un außeredäm isses aach ä wäcklisch gruußi Lääschdung, soebbes uf die Bää zu schdelle un des vadiend ned när Huuchachdung, sunnern vooa allem Unnerschdidzung!!!
Wanner meea wisse wolln, kennenär do gugge oddä ear froochn misch uff moi Dischbudiersait.
[edit] Moi Bauschdell
Des sin Ardiggl, wuu'sch schunemol oogfonge han, die wu awweenuch long ned feadisch sin: (Wann De willd, konsch gern aach midschreiwwe...)
