Dewletê Yewbîyayeyî yê Amerîka (DYA) yew dewleta qita ya Amerîka ya. Cayê xo mintiqa ra vakurê qita ya Amerîka de yo. Vakurê Amerîka de Kanada; başûrê xo de Meksîka; rojawanê xo de Okyanûso Gird; rojhelatê xo de Okyanûsê Atlantîkî estê. Paytextê Amerîka Waşîngtin o. Dewletê Yewbîyayeyî yê Amerîka eyaletan ra ênê pêra; 50 eyaletê xo estê.
İşxalê şaranê Ewropayıjan ra ver, êlê Postesûran (Kızılderili) Amerika de ronişteyîbîyî. Wextê Seserra 15.îne de miletê Ewropayijan ameyî Amerîka û erdê Postesûran îşxal kerd. Şarê Ewropayijan zaf (11 mîlyon) Postesûrî kiştî. O wext ra dime, Amerîka kolonîya Brîtanya bîye. Labelê serra 1776îne de Amerika xo xoser îlan kerd. Seserra 18îne de Amerîka 13 eyaletan ra îbaret bîye. Serra 1803îne de Dewletanê Amerîka 15 milyon dolar pereyî da Fransa û mintiqa Louisiana girewte. (dewamê ci...)
Moradan (Tırki: Dilektaşi) yew dewê Darê Hêniyo û giredayê Çolig. Çoligê di cayê Moradan û heremê ya re voni Ziktê. Şarê dewê Dimiliyo û Dimilkî qal keno. Nameyê Moradan, Roê Morad ra yeno. Moradê ko dew viraşta û avayi kerda nameyê ey ra yena. Verva Morad nameyê nê cay Tus bi. Badê 1961 di nameyê hemi dewan kerdi Tırki. Nameyê dewê Moradan zi kerdo Dilektaşi.
Dewê Moradanê de erazi ko miyanê dew û teverê dew de yo, dere û derxole yo. Raşteyê hira û gol çiniyi. Miyanê erazi de 300 û 400 m su û baniyi esti. Çotla û Qilê Şemo dew ra 1200 û 1300 m berzi. Eraziyê Moradanê nizdiyê 450 km2 yo. Nifusê dewê Moradan demê Wasmanan û demê Komarê de tim û tim biyo zed. Rocvetışê Moradan de dewan Şernan û Sêfan, zımeyê (şımalê) de dewê Şemsan, rocawan de dewan Cansur û Vazenan, veroc de dewa Rêz esta. (dewamê cı...)
