Wp/zgh/ⵍⴰⵃⴱⵉⴱ ⵍⵎⴰⵍⴽⵉ

ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴷ ⴰⵙⴰⵍⵎⴰⴷ ⵏ ⵜⴷⴰⵎⵙⴰ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⴳ ⵜⵖⵔⵎⵜ ⵏ ⵕⵕⴱⴰⵟ, ⵉⴳ ⴰⵙⵍⵡⴰⵢ ⵏ ⵜⵔⴰⴱⴱⵓⵜ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵅⴼ ⵢⵉⵍⵍ ⴰⵎⵍⵍⴰⵍ ⴰⵏⴰⵎⵎⴰⵙ, ⴷ ⴰⵙⵍⵡⴰⵢ ⵏ ⵡⴰⵎⵎⴰⵙ ⴰⵎⵖⵔⵉⴱⵉ ⵉ ⵜⵎⵙⵓⵜⵍⵜ. ⵉⵙⵎⵍ ⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ, ⴷ ⵉⵎⵉⵔⵉ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵄⵔⵔⵉⵎⵏ ⴷ ⵉⵎⴰⵍ ⵙⴳ 12 ⵏⵓⵡⵏⴱⵉⵔ 1990 ⴰⵔ 2000. ⴳ ⵏⵓⵡⴰⵏⴱⵉⵔ 1992, ⵉⴳⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⴳⵎⴰⵎ ⴳ ⵜⴰⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵜⵙⵜⵉ ⴳ ⵜⵎⴷⵉⵏⵜ ⵏ ⵅⵔⵉⴱⴳⴰ ⴰⴷ ⵉⴳ ⴰⵎⴰⵔⵉ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵉⵙⴳⴳⵯⴰⵙⵏ : 1993-1997-2002- 2007- 2011- 2016, ⵙ ⵉⵙⵎ ⵏ ⵓⵎⵓⵍⵍⵉ ⵏ ⵜⴰⵎⵓⵏⵜ ⵜⴰⵙⵔⵎⵓⵏⵜ ⵉ ⵜⴳⴳⴰⵍⵉⵏ ⵜⵉⵎⴷⵏⴰⵏⵉⵏ ⵎⵓ ⵉⴳⴰ ⴰⵙⵍⵡⴰⵢ ⵏ ⵓⵙⵇⵇⵉⵎ ⵏⵏⵙ ⴰⵏⴰⵎⵓⵔ ⴷ ⵓⴳⵎⴰⵎ ⵏ ⵓⵙⵉⵔⴰ ⵏⵏⵙ ⴰⵙⵔⵜⴰⵏ. ⴳ 1998, ⵉⵙⵎⵍ ⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ, ⴷ ⴰⵏⵖⵍⴰⴼ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴳ ⵜⵏⴱⴰⴹⵜ ⴷ ⵉⵙⵙⵉⵅⴼ ⵎⴰⵙⵙ ⵄⴰⴱⴷⵕⵕⴰⵃⵎⴰⵏ ⵍⵢⵓⵙⴼⵉ, ⵢⵉⵍⵉ ⴳ ⵜⵎⴰⵙⴰⵢⵜ ⴰ ⴰⵔ ⵛⵓⵜⴰⵏⴱⵉⵔ 2000. ⴳ 7 ⵏⵓⵡⴰⵏⴱⵉⵔ 2002, ⵉⵙⵎⵍ ⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴷ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ, ⵎⴽ ⵜ ⵉⵙⵎⵍ ⴷ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵙⵉⵍⵖ ⵏ ⵉⵙⵓⵜⴰⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⵙⴳ 8 ⵢⵓⵏⵢⵓ 2004 ⴰⵔ 7 ⵏⵓⵡⴰⵏⴱⵉⵔ 2007.

ⵉⵡⴰⵍⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵜⵉⵎⵜⵙⵜⴳⴳⴰⵔ ⵖⵔ ⴰⵟⵟⴰⵙ ⵏ ⵜⵎⴰⴷⴷⴰⵙⵉⵏ ⴰⵎ: ⵜⴰⵎⴰⴷⴷⴰⵙⵜ ⵏ ⵜⵉⵎⵜⵜⴰ ⵉⵎⵓⵏⵏ ⵉ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰ, ⵜⴰⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⵎⵙⴰⵏⵜ, ⵜⴰⵎⴰⴷⴷⴰⵙⵜ ⵜⴰⵎⴰⴹⵍⴰⵏⵜ ⵏ ⵜⴷⵓⵙⵉ, ⵜⴰⴼⵏⵉⵇⵜ ⵜⴰⴳⵔⴰⵖⵍⴰⵏⵜ ⵉ ⵜⴳⵎⵉ ⵜⴰⵏⴼⵍⴰⵃⵜ.

ⵙⴳ ⵉⵏⵏⴰⵢⵔ 2015 ⴰⵔ ⴱⵕⴰⵢⵕ 2019, ⵉⵍⵍⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴼ ⵜⵎⵙⵙⵓⴳⵓⵔⵜ ⵏ ⵉⵖⵎⵉⵙⵏ : « ⴰⵍⵉⵜⵜⵉⵃⴰⴷ ⴰⵍⵉⵛⵜⵉⵔⴰⴽⵉ » ⴷ « ⵍⵉⴱⵉⵕⴰⵚⵢⵓⵏ ». ⴳ 16 ⵉⵏⵏⴰⵢⵔ 2017, ⵉⵜⵜⵓⵙⵜⴰⵢ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⴷ ⵉⴳ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ. ⴳ ⵎⴰⵕⵚ 2017, ⵉⵜⵜⵓⵙⵜⴰⵢ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⴷ ⵉⴳ ⴰⵙⵍⵡⴰⵢ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵡⴰⵄⵕⴰⴱⵏ. ⵓⵙⵍⵡⴰⵢ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵜⵎⵉⵣⴰⵔ ⵏ ⵓⴳⵔⴰⵡ ⵏ ⵍⵉⵙⵍⴰⵎ.

ⵢⵓⵎⵥ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵟⵟⴰⵙ ⵜⵎⵉⴷⴰⵢⵉⵏ : ⵜⴰⵎⴰⴷⴰⵢⵜ ⵏ ⵓⴼⵙⵢⴰⵏ ⵏ ⵓⴷⴰⴱⵓ- ⵜⵎⴰⴷⴰⵢⵜ ⵏ ⵓⵙⵓⴳⵔ ⴰⴷⵎⵙⴰⵏ ⴷⴰⵔ ⵓⵙⵉⵏⴰⴳ ⴰⴱⵓⵕⵟⵓⵖⴰⵍⵉ ⴰⵄⵕⴰⴱ ⵉ ⵓⵎⵢⴰⵡⴰⵙ - ⵜⴰⵎⴰⴷⴰⵢⴰⵜ ⵏ ⵡⴰⴷⴷⵓⵔ ⵏ ⵜⴳⴷⵓⴷⴰⵏⵜ ⵏ ⴼⵔⴰⵏⵙⴰ.

ⵢⵓⵔⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴽⵉⴳⴰⵏ ⵏ ⵜⵣⵔⴰⵡⵉⵏ ⴳ ⵜⵙⵖⵓⵏⵉⵏ ⵜⵉⵎⴰⵙⵙⴰⵏⵉⵏ ⴳ ⵓⴳⵏⵙ ⵏ ⵜⵎⵓⵔⵜ ⵓⵍⴰ ⴱⵕⵕⴰ ⵏⵏⵙ, ⵉⵍⵉⵏ ⵖⵓⵔⵙ ⴽⵉⴳⴰⵏ ⵏ ⵉⴷⵍⵉⵙⵏ.