Wp/yua/Kool ùuchben

ka`ach jach seten ùuche` le ajkoolnalo`obo` tak tu winalil Agostoe` ku bin p`iso`ob le k`àax taak u kolko`ob. wa ku yu`ubik yaan u muuk`ile` kun p`isiko`ob ya`abi`, wa ts`o`ok u chan ch`ìijile` mix seten ya`abi`, wa nukuch k`àaxe` k`abet kex kan wa jo`o ja`ab uti`al u tijil le che` ku ch`a`akalo`. tak tu winalil Abrile` ku much`ikubàa yèetel u baatsilo`obe` uti`al u bin u took u koolo`ob, uti`al u tòokal le koolo` ku bisiko`ob sakab yèetel kaab, uti`al u yuk`o`ob ichilo`ob, beeyxan ku bisiko`ob jun p`ìit ja`, chèen ba`ale` ka`ache ma`atech u jach tòok-ko`ob ya`ab k`àax, tumeen yojelo`ob bix unaj u kalantiko`ob le k`àaxo`, u paach u koolo`obe, ku mìistiko`ob u paach kex òox-xàak`ab tu ba`pach tulàakal le koolo`. le ken pak`alnako`obe` tu winalil mayo wa junio, ku xa`ak`tiko`ob i`inaj, ku ts`àiko`ob: ixi`im, bu`ul, sikil, iib, xtòop` sikil, beeyxan yaan tu`ux ku p`atiko`ob uti`al u pak`iko`ob u jeel ba`alo`ob k`abet-ti`ob je`el bix: ja`as, ku meyaj u le` utiàl u beetiko`ob pìib, iik, uti`al u jaanto`ob chèen beyo` wa uti`al tòokbil uti`al boox k`ool. le jqanal je`ela` ku beeta`al uti`al nukuch cha`anilo`ob, je`el bix: ts`o`okol beel okja`, wa u jeejelàas ba`alo`ob.