Wp/sly/Bahasa Selayar

From Wikimedia Incubator
< Wp‎ | slyWp > sly > Bahasa Selayar
Jump to navigation Jump to search

Bahasa Selayar (tu Silajarannjo biasa lakua bahasa Silajara) iyaminjo se'rei bahasa Austronesia nu lapakenjo ri pulo Silajara surang sikura pulo-pulo maraeng ri kabupaten Kepulauan Selayar, Sulawesi Selatan, Indonesia, a'jari bahasa siallo-allo. Bahasa Silajara antama'i lalang ridattara bahasa-bahasa nutappake ri Indonesia. Bahasa Silajara lakua toyya assala pakaramulana battu ri bahasa Malaju. Tummake bahasa Silajara inni poonna ri Kabupaten Kepulauan Selayar, injo ampa na ta'bage-bage juapi loga'na singkamo loga' bahasa Silajara Palemba, loga' bahasa Silajara Tanete na loga' maraenganna pole. Bahasa Silajara se're alirangi surang bahasa Malaju, singkamo todoi bahasa Minangkabau, bahasa Betawi, bahasa Iban na maraenganna pole.

Passingalinna Kabupaten Kepulauan Selayar, Bahasa Silajara nu' jarinjomo bahasa siallo-allo rie' todoi lapake ri daera maraeng singkamo ri desa Selayar, kecamatan Lingga, kabupaten Lingga, provinsi Kepulauan Riau surang sitangnga masaraka'na Pulo Bungin, kecamatan Alas, kabupaten Sumbawa, provinsi Nusa Tenggara Timur, Indonesia. Bahasa Silajara lohei lapengarui battu ri bahasa Malaju, bahasa Mangkasara surang bahasa-bahasa Bugisi. Bahasa Silajara rie' todo' passikaikanna surang bahasa Konjo Pesisir nu lohenjo lapake ri kecamatan Ujung Loe, kabupaten Bulukumba, provinsi Sulawesi Selatan, Indonesia.

Konni-konnia, bahasa Silajara lohemo nu lapaccampurang toyya surang bahasa Indonesia na bahasa-bahasa maraeng. Manna pakonjona mamo bahasa Silajara antama' juapi lalang rikategori aman battu ri katappelakang ka lapake juapi ri bahasa allo-allona masyaraka' Silajara ato tubattu-battunjo mange ri Silajara. Nuparallu lageokang tu Silajaranjo iyamintu sibaji'na bahasa Silajara lapatamai ri passikolaang lalapa'jarii muatan lokal si'raka mangeanna konjo nagelemu lapake toyya atoka gelemu laisse apamo nurikuanjo bahasa Silajara.