Wp/sdh/مەچد
مەچد یا مەچت یا مەزگت(وە زاراوەێ کرمانجی: مزگەفت، سۆرانی: مزگەوت، هەورامی: مزگی، زازاکی: جامییە) ئبادەتگاێ موسڵمانانە. مەچد قدمەتیگ وە ئەنازەێ ئسلام خوەی دێرێد. یەکمین مەچدە پەیامبەر ئسلام سازیە. لە شارەیل کورد خوارین نشین لە هەمەدان تا بەغدا و لە بیجار تا ئاودانان مەچدەیل فرەێگ ئەڕاێ مسڵمانەیل شەهە و سونی سازریاس ک بڕێگیان فرە کۆنایەتی دێرن. لە شار کرماشان زۊنەترین مەچد هن دیواییەیل دەورەێ زەندیەس. مەچدەیل ناوچەیل کاردنشین فرەتریان منارە نەیرن.