Wp/ryu/かじ (風)

風（かじ）んかいなびちゅる木（きー）

風（かじ）んでー、空気（かじ）ぬ流（なが）り動（んじゅ）ちゅるくとぅやん。

我達（わったー）が住（しま）ゆる地球（ちちゅー）や、空気んかいうすらりとーいびーん。

うぬ空気ぇー目（みー）んかい見（ん）ーやびらんし、形（かた）んあいびらんしが、 温度（うんどぅ）ぬ上（ぬぶ）いんでぃふーけーりー、温度（うんどぅ）ぬ下（うり）ーねー、ちぢむんでぃぬ性質（そーぶん）むっちょーいびーん。

太陽（てぃーだ）んかい照（てぃ）らさってぃあちらさられいふーけーりたる空気ぇー、軽（がっく）なてぃ上（ぬぶ）いん。空（すら）ぬ上（ゐー）っし冷（さま）さってぃ縮（ちぢ）だる空気ぇー、重（んぶ）くなてぃ下（うりー）るさぁ。あんないねー、上（ぬぶ）いる空気ぬあとぅんかえー、周（まー）いから他（ふか）ぬ空気ぬ流（なが）れいんちちゃびーん。また、下（うりー）る空気ぬあとぅんかいん、 まーいから他（ふか）ぬ空気ぬ流（なが）れいんちちゅーるさぁ。

くぬ如（ぐと）ーる空気ぬんじゅちゅるくとぅ、風（かじ）とぅしち感（かん）じらりーんでぃぬわきやいびーん。