Wp/pmf/Benua Asia

Asia ince'emo lemba bangke pai au mangka sondo taunya ri lino, au re'e ri tando Pebete pai ri laika Utara. Lemba se'i mampore'e 8,7% ungka kabangke lino pai tesuncu ungka 30% kabini tananya. Pai 4,3 miliari taunya, re'e 60% to lino wawa se'i. Asia mampore'e powongga tau au bangke ri tempo wawa se'i. Ewa, ri tempo abaa ka-20, to lino ri Asia re'e bara aopo ngkani ntapi.

Pantila Tida Ntana

Ewambe'i roo ndato'o, Asia se'e ndareke mewali tila ungka Benua Eurasia au mangka bangke. Ane potila malulu pau se'i, olemo ri Eurasia Utara pai Eurasia Tongo.
Asia se'enya ndatila mewali tesangkuja daera :

Asia Tongo
Bere'e ndapobiasa mampake pau se'i paikanya tesaoyo tesuncu ungka : Ubekita, Tajikita, Tukemenita, Kirigita, Kasakita, Aramenia, Rusia, Asebaiya, Mongolia

Asia Timur
Tesaoyo se'e ndato'o Timuri Lawa, ua To Eropa maole katedikanya au mangka lawa ungka Eropa. Ince'emo :

Moliwuto Tasi Bangke Pasipi Taiwa pai Japaa;
Korea Utara pai Korea Salata ri Tando Korea;
Repubili To Tiongko
Hongkongi

Asia Tenggara
Negara au tesua daera se'i, ince'emo :

Ri Asia Tanggara moTana : Miama, Tailani, Lao, Kamboja, Piena, pai Malesia Baraa
Ri Asia Tanggara moTogongi : Malesia Timuri, Pilipina, Singapura, Indonesia, Burune pai Timoro Lesite.

Asia Selatan
Asia Salata tesuncu ungka :

Negara-negara Himalaya : India, Pakisita, Nepali, Buta, pai Bangalade
Negara-negara Tasi Bangke Hindia : Siri Langka pai Maladewa
Aganita

Asia Barat

Saeo-eo ndapebooka pai to'o Timuri Tongo, mau pau se'i se'e tesaoyo ndapakeka se'e gala negara-negara ri Apirika Utara. Asia Baraa ndatila wo'u mewali :

Negara Liwuto Sipuru ri Tasi Tongo,
Timuri Mosu, au tesua Sure, Yaradenia, Lebano, pai Iraki,
Tando Ara, au tesua Ara Saudi, Uni Emira Ara, Barai, Kata, Omani, Yama pai tesaoyo se'e Kuwai,
Daera Kaukasu, tesua Asebaiya, pai Aramenia,
Rato Irani, au tesuncu ungka Irani pai tila negar au ntaninya.