Wp/nod/ᨷᩮᩬᩥᩁ᩼ᩃᩥ᩠ᨶ
| ᨷᩮᩬᩥᩁ᩼ᩃᩥ᩠ᨶ |
|---|
 |
| ᩃᩩᨠᨷᩫ᩠ᨶᩈᩩᨯᩅᩯ᩠ᨯᨲᩣ᩠ᨾᨡᩮ᩠ᨾᩢᨶᩣᩊᩥᨠᩣ: ᨻᩕᩁᩣᨩᩅᩢ᩠ᨦᨫᩣᩁ᩼ᩃᩬᨲᨴᩮᩥ᩠ᨶᨷ᩠ᩅᩁ᩠ᨠ᩼, ᩉᩬᩴᨴᩰᩁᨴᩢᩆ᩠ᨶ᩼ᨷᩮᩬᩥᩁ᩼ᩃᩥ᩠ᨶ, ᩋᩣᨣᩤ᩠ᩁᩁᩱᨫᨵᩣ᩠ᨠ, ᨾᩉᩣᩅᩥᩉᩣ᩠ᩁᨷᩮᩬᩥᩁ᩼ᩃᩥ᩠ᨶ, ᩉᩬᩴᩆᩥᩃ᩠ᨸ᩼ᩉᩯ᩠᩵ᨦᨩᩣ᩠ᨲᩋᩢ᩠ᩃᨵᩮᩬᩥ, ᨡ᩠ᩅ᩵ᨦᨻᩬᨲᩈᨯᩣᨾᩮᩬᩥ, ᩓᨷᨲᩪᨷᩕᩣ᩠ᨶᨯᩮ᩠ᨶᨷ᩠ᩅᩁ᩠ᨠ᩼ |
ᨻᩨ᩠᩶ᨶᨴᩦ᩵
• ᨷᩮᩬᩥᩁ᩼ᩃᩥ᩠ᨶ ᪈᪉᪀ ᨲᩁ.ᨠᨾ. ᨷᩕᨩᩣᨠᩬᩁ (ᨸᩦ ᪂᪀᪀᪇)[1] • ᨷᩮᩬᩥᩁ᩼ᩃᩥ᩠ᨶ ᪃,᪄᪁᪆,᪃᪀᪀ ᨤᩫ᩠ᨶ • ᨤ᩠ᩅᩣ᩠ᨾᩉ᩠ᨶᩣᩉᩯ᩠ᨶ᩶ᩁ ᪃,᪈᪃᪁ ᨤᩫ᩠ᨶᨲᩬᩴ᩵ ᨲᩁ.ᨠᨾ. • ᨤᩫ᩠ᨶᩋᩣᩆᩱ᩠ᨿ ᪃,᪇᪀᪀,᪀᪀᪀ |
ᨷᩮᩬᩥᩁ᩼ᩃᩥ᩠ᨶ (ᨿᩮᩬᩥᩁᩡᨾᩢ᩠ᨶ : Berlin ᨷᩯᩁ᩼ᩃᩦ᩠ᨶ) ᨸᩮ᩠ᨶᨾᩮᩬᩥᨦᩉᩖ᩠ᩅᨦᩓᩁᩢᨭᩛ᩼ᨶᩧ᩠᩵ᨦᨶᩲ ᪁᪆ ᩁᩢᨭᩛ᩼ᩈᩉᨻᩢᨶ᩠ᨵ᩼ᨡᩬᨦᨷᩕᨴᩮ᩠ᩆᨿᩮᩬᩥᩁᨾᨶᩦ᪩ ᨾᩦᨤᩫ᩠ᨶᩋᩣᩆᩱ᩠ᨿᨷᩕᩉ᩠ᨾᩣ᩠ᨱ ᪃.᪄ ᩃ᩶ᩣ᩠ᨶᨤᩫ᩠ᨶᨶᩲᨡᩮᨲ᩠ᨲ᩼ᨾᩮᩬᩥᨦ᪨ ᨪᩮᩥ᩠᩵ᨦᨶᩢ᩠ᨷᩅ᩵ᩤᨶᩢ᩠ᨠᨴᩦ᩵ᩈᩩᨯᨶᩲᨷᩕᨴᩮ᩠ᩆᨿᩮᩬᩥᩁᨾᨶᩦ ᩓᨶᩢ᩠ᨠᨴᩦ᩵ᩈᩩᨯᨸᩮ᩠ᨶᩋᩢ᩠ᨶᨯᩢ᩠ᨷᩈᩬᨦᨶᩲᩈᩉᨽᩣ᩠ᨻᨿᩩᩁᩰᩫ᩠ᨷ᪩ ᨸᩮ᩠ᨶᩆᩪᨶ᩠ᨿ᩼ᨠᩖᩣ᩠ᨦᨡᩬᨦᨡᩮᨲ᩠ᨲ᩼ᨶᨣᩬᩁᩉᩖ᩠ᩅᨦᨷᩮᩬᩥᩁ᩼ᩃᩥ᩠ᨶ—ᨷᩕᩣ᩠ᨶᨯᩮ᩠ᨶᨷ᩠ᩅᩁ᩠ᨠ᩼᪩ ᨲᩢ᩠᩶ᨦᩀᩪ᩵ᨹᩣ᩠ᨠᨲᩅᩢ᩠ᨶᩋᩬᨠᨩ᩠ᩅ᩠᩶ᨿᩉᩮᩬᩥᩋᨡᩬᨦᨷᩕᨴᩮ᩠ᩆᨿᩮᩬᩥᩁᨾᨶᩦ᪩ ᨶᩲᨡᩮᨲ᩠ᨲ᩼ᨶᨣᩬᩁᩉᩖ᩠ᩅᨦᨶᩦ᩶ᨾᩦᨤᩫ᩠ᨶᩋᩣᩆᩱ᩠ᨿᨳᩮᩥ᩠ᨦ ᪅ ᩃ᩶ᩣ᩠ᨶᨤᩫ᩠ᨶ᪨ ᨶᩢ᩠ᨠᨸᩮ᩠ᨶᩋᩢ᩠ᨶᨯᩢ᩠ᨷ ᪉ ᨶᩲᩈᩉᨽᩣ᩠ᨻᨿᩩᩁᩰᩫ᩠ᨷ᪩
ᨷᩮᩬᩥᩁ᩼ᩃᩥ᩠ᨶᨸᩮ᩠ᨶᨶᩧ᩠᩵ᨦᨶᩲᩆᩪᨶ᩠ᨿ᩼ᨠᩖᩣ᩠ᨦᨴᩦ᩵ᨾᩦᩋᩥᨴ᩠ᨵᩥᨻᩫ᩠ᩃᨴᩦ᩵ᩈᩩᨯᨡᩬᨦᨴᩦ᩠ᨸᨿᩩᩁᩰᩫ᩠ᨷᨶᩲᨯ᩶ᩣ᩠ᨶ ᨠᩣ᩠ᩁᨾᩮᩬᩥᨦ ᩅᩢᨯ᩠ᨰᨶᨵᩢᨾ᩠ᨾ᩼ ᩈᩨ᩵ᩈᩣ᩠ᩁᨾ᩠ᩅᩃᨩᩫ᩠ᨶ ᩓᩅᩥᨴ᩠ᨿᩣᨠᩣ᩠ᩁ᪩ ᨸᩮ᩠ᨶᩆᩪᨶ᩠ᨿ᩼ᨠᩖᩣ᩠ᨦᨴᩦ᩵ᩈᩴᩣᨤᩢ᩠ᨬᨡᩬᨦᨠᩣ᩠ᩁᨣᨾᨶᩣᨣᩫ᩠ᨾᨴᩣ᩠ᨦᩋᩣᨠᩣ᩠ᩈᩓᨴᩣ᩠ᨦᩁᩣ᩠ᨦᨡᩬᨦᨴᩦ᩠ᨸ᪩ ᨻᩨ᩠᩶ᨶᨮᩣ᩠ᨶᩈᩮᨭᩛᨠᩥᨧ᩠ᨧ᩼ᨡᩬᨦᨾᩮᩬᩥᨦᨤᩨᨵᩩᩁᨠᩥᨧ᩠ᨧ᩼ᨷᩁᩥᨠᩣ᩠ᩁᨴᩦ᩵ᩉᩖᩣ᩠ᨿᩉᩖᩣ᩠ᨠ᪩ ᨪᩮᩥ᩠᩵ᨦᨷᩕᨠᩬᨷᨻᩱᨯ᩠᩶ᩅ᩠ᨿ ᩏᨲ᩠ᩈᩣᩉᨠᩢᨾ᩠ᨾ᩼ᨠᩣ᩠ᩁᩈᩕ᩶ᩣ᩠ᨦᩈᩢᩁ᩠ᨣ᩼ ᨷᩁᩥᩇᩢ᩠ᨴᨯ᩶ᩣ᩠ᨶᩈᩨ᩵ ᨠᩣ᩠ᩁᨷᩁᩥᨠᩣ᩠ᩁᩈᩥ᩠᩵ᨦᩅᩯ᩠ᨯᩃ᩶ᩬᨾ ᩆᩪᨶ᩠ᨿ᩼ᨠᩣ᩠ᩁᨷᩕᨪᩩᨾᩓᩈᨯᩯ᩠ᨦᩈᩥ᩠ᨶᨣ᩶ᩤ᪩[2] ᨷᩮᩬᩥᩁ᩼ᩃᩥ᩠ᨶᨸᩮ᩠ᨶᨾᩮᩬᩥᨦᨴᩦ᩵ᨾᩦᨶᩢ᩠ᨠᨴᩬ᩵ᨦᨴ᩠ᨿᩅᨶᩢ᩠ᨠᨸᩮ᩠ᨶᩋᩢ᩠ᨶᨯᩢ᩠ᨷᩈᩣ᩠ᨾᨡᩬᨦᨴᩦ᩠ᨷᨿᩩᩁᩰᩫ᩠ᨷ᪩ ᨿᩢ᩠ᨦᨾᩦᩏᨲ᩠ᩈᩣᩉᨠᩢᨾ᩠ᨾᩋᩨ᩠᩵ᨶ ᨩᩮᩬᩥ᩶ᩋᩅ᩵ᩤ ᩅᩥᩆ᩠ᩅᨠᩢᨾ᩠ᨾ᩼ᨧᩁᩣᨧᩬᩁ ᩋᩬᩴᨴᩰᩋᩥᩃᩮᩢ᩠ᨠᨵᩕᩬᩴᨶᩥᨠ᩠ᩈ᩼ ᩋᩱᨵᩦ ᩋᩩᨲ᩠ᩈᩣᩉᨠᩢᨾ᩠ᨾᨿᩣ᩠ᨶᨿᩫᨶ᩠ᨲ᩼ ᩈᩩᨡᨽᩣ᩠ᨻ ᩅᩥᩆ᩠ᩅᨠᩢᨾ᩠ᨾᨩᩦᩅᨠᩣ᩠ᩁᨻᩯᨴ᩠ᨿ᩼ ᩓ ᨴᩮ᩠ᨣᨶᩰᩃᩰᨿᩦᨩᩦᩅᨽᩣ᩠ᨻ᪩
ᨾᩉᩣᨶᨣᩬᩁᩉᩯ᩠᩵ᨦᨶᩦ᩶ᨸᩮ᩠ᨶᨾᩮᩬᩥᨦᩉᩯ᩠᩵ᨦᨾᩉᩣᩅᩥᨴ᩠ᨿᩣᩃᩱ᩠ᨿ ᩈᨳᩣᨷᩢ᩠ᨶᩅᩥᨧᩱ᩠ᨿ ᨠᩣ᩠ᩁᨡᩯ᩠᩵ᨦᨡᩢ᩠ᨶᨠᩦᩊᩣ ᩋᩬᩴᨥᩕᩮ᩠ᩈᨴᩕᩣ ᨻᩥᨻᩥᨵᨽᩢᨱ᩠ᨯ᩼ ᩓᨷᩩᨣ᩠ᨣᩫᩃᨴᩦ᩵ᨾᩦᨩᩨ᩵ᩈ᩠ᨿᨦᩁᨯᩢ᩠ᨷᩃᩰᩫ᩠ᨠᨩᩣ᩠ᨲᨶᩢ᩠ᨠ᪩ ᨷ᩶ᩣ᩠ᨶᨾᩮᩥᩬᨦᨴᩦ᩵ᨦᩣ᩠ᨾᩓᨷ᩠ᩅᩫᩁᨯᩫ᩠ᨠᨴᩣ᩠ᨦᨷᩅᩢᨲ᩠ᨲᩥᩆᩣᩈ᩠ᨲᩕ᩼ᨴᩦ᩵ᨾᩦᨶᩢ᩠ᨠ ᨿ᩠ᨿᩮᩡᩉᩨ᩶ᨷᩮᩥᩬᩁ᩼ᩃᩥ᩠ᨶᨳᩪᨠᨩᩲ᩶ᨸᩮ᩠ᨶᨨᩣ᩠ᨠᨳ᩵ᩣ᩠ᨿᨽᩣᨻᨿᩫᨶ᩠ᨲᩕ᩼ᩉᩖᩣ᩠ᨿᩁᩮᩬᩥ᩵ᨦ᪩[3] ᨾᩮᩬᩥᨦᨶᩦ᩶ᨾᩦᨩᩨ᩵ᩈ᩠ᨿᨦᩁᩮᩬᩥ᩵ᨦᨴᩮᩈᨠᩣ᩠ᩃ ᩈᨳᩣᨷᩢᨲ᩠ᨿᨠᩢᨾ᩠ᨾᨴᩦ᩵ᩉᩖᩣ᩠ᨠᩉᩖᩣ᩠ᨿ ᩆᩥᩃ᩠ᨷᩁ᩠᩵ᩅᨾᩈᩱ᩠ᨾ᩠ᨿ᩻ ᩆᩥᩃ᩠ᨷᨶᩯ᩠ᩅᨵᩫ᩠ᨯᩃᩬᨦ (ᩋᩡᩅᩬᨦᨠᩣᩁ᩠᩼ᨯ) ᨩᩦᩅᩥ᩠ᨲᨿᩣ᩠ᨾᨠᩖᩣ᩠ᨦᨤᩨ᩠ᨶ ᩓᨣᩩᨱᨽᩣ᩠ᨻᨩᩦᩅᩥ᩠ᨲ᪩ ᨶᩲᩉ᩠ᩅ᩵ᩣ᩠ᨦᨴᩫᩈᩅᩢᩔ᩼ᨴᩦ᩵ᩃ᩠ᩅ᩵ᨦᨾᩣ ᨷᩮᩬᩥᩁ᩼ᩃᩥ᩠ᨶᨯᩱ᩶ᨻᩢᨯ᩠ᨰᨶᩣᨻᩱᩈᩪ᩵ᨧᩩᨯᩁ᩠᩵ᩅᨾᨡᩬᨦᨷᩢᨧᩮ᩠ᨧᨠᨩᩫ᩠ᨶ ᨾᩦᩆᩥᩃ᩠ᨷᩥᨶ᩼ᨤᩫ᩠ᨶᩉ᩠ᨶᩩ᩵ᨾᩈᩣ᩠ᩅᩉ᩠ᨾᩪ᩵ᨾᩣ᩠ᨠᨧᩣ᩠ᨠᩉᩖᩣ᩠ᨿᨩᩣ᩠ᨲᨤ᩠ᩅᩲ᩵ᩃᩰᩫ᩠ᨠ᪨ ᨳᩪᨠᨯᩧ᩠ᨦᨯᩪᨯᨡᩮᩢ᩶ᩣᩈᩪ᩵ᨾᩮᩬᩥᨦᩉᩯ᩠᩵ᨦᨶᩦ᩶ᨯ᩠᩶ᩅ᩠ᨿᩅᩥᨳᩦᨩᩦᩅᩥ᩠ᨲᨷᩯ᩠ᨷᩈᩮᩁᩦ ᩓᨧᩥᨲ᩠ᨲ᩼ᩅᩥᨬ᩠ᨬᩣ᩠ᨱᩉᩯ᩠᩵ᨦᨠᩣ᩠ᩃᩅᩮᩃᩣᩈᩱ᩠ᨾ᩠ᨿ᩻ᩉᩲ᩠ᨾ᩵ (Modern Zeitgeist)᪩
ᩋ᩶ᩣ᩠ᨦᩋᩥ᩠ᨦ
[edit | edit source]- ↑ State population, Portal of the Federal Statistics Office Germany. https://web.archive.org/web/20090503130609/http://www.statistik-portal.de/Statistik-Portal/de_zs01_bl.asp
- ↑ Berlin City of Design Press Release http://portal.unesco.org/culture/en/ev.php-URL_ID=29376&URL_DO=DO_TOPIC&URL_SECTION=201.html
- ↑ Wall-to-wall culture http://www.theage.com.au/news/arts/walltowall-culture/2007/11/09/1194329483873.html