Wp/mui/Kuto Pelémbang

From Wikimedia Incubator
< Wp‎ | muiWp > mui > Kuto Pelémbang
Jump to navigation Jump to search
Jerambah Ampéra, penando kuto Pelémbang.

Pelémbang yolah kuto paléng besak déwék di Sumatera abés Medan, ngan penduduk sebanyak pecak 1,8 juto wong. Pelémbang pulok yolah kuto utamo dari Sumatera Selatan di Indonésia. Besak daérahnyo yolah 400km^2. Kuto ni jugo sikok kuto paléng tuwo di Indonesia. Kuto ni ditetak duo lantak Sungi Musi yang ngalér dari Bukét Barésan inggo ke Selat Bangko. Palembang jugo kuto paléng besak kesembilan di Indonésia abés Jakarta, Surabaya, Bandung, Bekasi, Médan, Tangerang, Dépok, samo Semarang, jugo kuto paléng besak ke-19 di Asia Tenggaro.

Penando Pelémbang yolah Jerambah Ampera samo Sungi Musi, yang netak Pelémbang jadi duo: Seberang Ulu samo Seberang Ilir. Kuto ni pulok perna ngadoke acaro ulahrago internasional sebesak SEA Games 2011 samo Asian Games 2018, besamo-samo Jakarta.

Riwayat[edit]

Pelémbang bingén perna jadi kuto utamo Kedatuk-an Sriwijayo, sikok kerajoan gandék di Asia Tenggaro. Riwayat paléng bingén yang nyebot Pelémbang pacak diselék dari hikayat Yijing, pendeto Cino abad ke-7, yang nyeritoke amen dio sanjo ke Sriwijayo taun 671 M selamo 6 bulan. Batu besurat yang nyebot Sriwijayo jugo dari abad ke-7, yolah Batu Besurat Kedukan Bukit, betanggal 683 Masehi.