Wp/mag/साफ्टवेयर

कम्प्यूटर साफ्टवेयर निर्देशके एगो समूह होवहे । एकरा हमनी सरलभाषामे साफ्टवेयर वा प्रोग्रामो बोलहियै । एकर प्रयोग सङ्गणकके सञ्चालित आउ विशेष प्रकारके कार्यके पूर्ण करेला कैल जाहे । साफ्टवेयर सङ्गणकके एगो बड्डी बिशेष भाग होवहे । काहेकि एकरा बिना सङ्गणक कौनो कामके न रहहे ।

साफ्टवेयर एकदमे हार्डवेयरसे बिपरित होवहे, हार्डवेयरके हमनी देख आउ छु सकहियै किन्तु साफ्टवेयरके हमनी छु न सकियै आउ देख न सकहियै । काहेकि साफ्टवेयरके कौनो भौतिक रूप न होवहे, ई एगो आभासी होवहे जेकरा हमनी समझ आउ अभाष कर सकहियै ।

उद्धारणला अपनेके वेब ब्राउजर जेकरा पर अपने ई लेखके पढ़ैत ही, ओहु एक प्रकारके साफ्टवेयरे हे । यदि हमनी भिजुन ऐसन साफ्टवेयर न होत त की अपने अन्तर्जाल पर कौनो प्रकारके जानकारी प्राप्त कर सकी । एहिला साफ्टवेयर ऊसभ प्रोग्रामके कहल जाहे जे सङ्गणक पर इन्स्टाल होवहे आउ विशेष प्रकारके कार्य करहे ।

अनुप्रयोग साफ्टवेयरके अन्तर्गत बड्डीमनी साफ्टवेयर आवहे । लीब्र आफिस मुक्तस्रोत अनुप्रयोग हे जेकरा द्वारा शब्दसन्साधन, स्प्रेडशीट, स्लाइड प्रस्तुतीकरण आदि कैल जा सकहे (क्रमशः 'राइटर', 'केल्क' आउ 'इम्प्रेस' के द्वारा) ।

सङ्गणक विज्ञानमे साफ्टवेयर वा तन्त्रांश (Software) सार्थक क्रमादेश (instructions) आउ आवश्यक सूचनाके एगो ऐसन समूह हे जे सङ्गणकके ई बतावहे कि ओकरा कौन काम करेके हे । साफ्टवेयर एक प्रकारसे हार्डवेयरसे अत्यन्त भिन्न चीज हे । हार्डवेयर आउ साफ्टवेयर एक-दोसराके पूरक हे आउ एकके बिना दोसरा बड्डी कम अथवा न के बराबर उपयोगी हे । साफ्टवेयर ई अर्थमे साफ्ट (मृदु) हे कि एक्के हार्डवेयरमे अलग-अलग साफ्टवेयर लगाके एकदमे अलग-अलग काम लेल जाहे । उदाहरणला एक्के कम्प्यूटर (हार्डवेयर) मे स्प्रेडशीट प्रोग्राम चलावे पर कौनो आँकड़ाके बारीकीके अध्ययन कैल जाहे, ओहैँ एोग दोसरा प्रोग्राम चलाके उहे हार्डवेयरसे एक मशीन (जैसे मिलिङ्ग मशीन) चलावल जा सकहे ।

व्यावहारिक तौरपर यदि सङ्गणकके परिभाषित कैल जाये त हमनी हार्डवेयरके मनुष्यके शरीर आउ साफ्टवेयरके ओकर आत्मा कह सकहियै । हार्डवेयर सङ्गणकके भागके कहहियै, जेकरा हमनी अपन आँखसे देख सकहियै, छू सकहियै अथवा औजारसे ऊसभ पर कार्य कर सकहियै । ई वास्तविक पदार्थ हे । एकरे बिपरीत साफ्टवेयर कौनो पदार्थ न हे । ई ओह सूचना, आदेश अथवा बिधि हे जेकर आधार पर सङ्गणकके हार्डवेयर कार्य करहे । सङ्गणक हार्डवेयर साफ्टवेयरसे परिचित होवहे अथवा साफ्टवेयर सङ्गणकके हार्डवेयरसे परिचित एवं ऊसभ पर आधारित होवहे ।

इहो देखी

• मुक्तस्रोत साफ्टवेयर
• प्रचालनतन्त्र (ओपरेटिङ्ग सिस्टम)
• अनुप्रयोग साफ्टवेयर (अप्लिकेशन साफ्टवेयर)
• साफ्टवेयर उद्योग