Wp/lus/Zohnahthlâk ṭawngte
Zohnahthlâk ṭawng hi tam tak a awm a. Hêng ṭawngte hi inanna tam tak nei a ni hlawm a; thumal tam tak a thuhmun mai bâkah ṭawng chhehphungah inlaichinna nasa tak an nei hlawm a ni.
Ṭawngte[edit]
Ṭawng lian zual deuh deuhte chu:
Mizo ṭawng[edit]
 Chanchin kimchang : Mizo ṭawng
|
Mizo ṭawng tia kan sawi mai ṭhin hi ṭawng hlui zâwk, Zohnahthlâk ṭawng tam tak pawlh khâwm hmanga insiama ṭhang chho zël a ni a[1]. Lusei ṭawng kalphunga indin chhuak ni mah sé, Lusei ṭawng a ni lo a ni. Hlathü leh ṭawng un tam tak Pawi ṭawng leh ṭawng dang dang aṭanga châwk luh a ni[1]. Duhlian ṭawng lah a ni hek lo. Zohnahthlâk chipéng hrang hrangin kan pianpuia kan chhawm nun, kan tihpuitlin chhoh zël a ni a, eng chibil hming mah a pu thei lo a ni[2]. Kum 2001 Indiaram chhiarpuia a lan danin, Indiaramah ringawt pawh hmangtu 674, 756 an awm a ni[3].
Mizoram dung leh vang tluanah hriatthiam a ni tlangpuiin Barmaram leh Bangladesha Zohnahthlâk chëngte karah pawh hman a ni.
Hmar ṭawng[edit]
Hmar ṭawng hi Zohnahthlâk ṭawng zingah chuan Mizo ṭawng nèn a inhriat pawh theihna a sang ber a, a hmangtute hi Mizoram, Manipur leh Assamah an inṭhensawm a. Mizoramah hmangtu 14, 240 zet awmin Indiaram pumpuiah mi sïng riat chuangin an hmang[3].
Mara ṭawng[edit]
| Chanchin kimchang : Mara ṭawng
|
Mara ṭawng hi kum 2001 Indiaram chhiarpuia a landànin Mizoram chhim lamah mi 34, 751 zetin an hmang a[3]. Mizo ṭawngpui tih lohvah chuan Mizoramah hmangtu a ngah ber a ni. Mara tawng tih hian tawng puitlung sawmpakhat lai a awm a,Tlosai, Lyvaw leh Zyhno/Vahapi tawng te hi India ramchhungah an hman tlanglawn ber chu an ni.
Pawi ṭawng[edit]
| Chanchin kimchang : Pawih ṭawng
|
Pawi ṭawng tia kan sawi hi ṭawng pakhat chauh a ni lova, inhriatpawh tawn mai har tak ṭawng chi hnih thum lai hi Pawi ṭawng tiin kan sawi mai ṭhin a. Mizorama hman nasat ber chu Lawngtlai leh a chhehvêl, LADC huam chhunga Laiho hman hi a ni a. Kum 2001 Indiaram chhiarpuiah chuan, hë Lai ṭawng hi Mizoramah hmangtu mi 24, 900 an awm. Mizo ṭawng leh Mara ṭawng tih lohvah chuan ṭawng hmangtu ngah ber a ni.
Paihte ṭawng[edit]
| Chanchin kimchang : Paihte ṭawng
|
Paihte ṭawng kan tih, Mizoramah chuan khawchhak lam, Leisenzo, Sesih leh a chhehvêl khaw ṭhenkhat leh Ngopa khaw bul hnäi lama an hman hi Mizoramah chuan ṭawng hman nasat ber palina a ni a, mi 14, 367 zetin an hmang. Mizorama hmangtu lêt thum zet ( mi 48,379[3])hi Manipurah hmangtu an awm bawk a. Ṭawngkauchheh leh lamphung hrang hret hret mah sé, inhriat pawh theih vek a ni. Manipurah chuan Zomi ṭawng tia sawi a ni.
Zou ṭawng[edit]
| Chanchin kimchang : Zou ṭawng
|
Zou ṭawng hi Mizoramah chuan hmangtu an awm meuh lo va, kum 2001 Indiaram chhiarpuia a lan dànin Manipur mi 20, 626[3] an awm.
Thahdo ṭawng[edit]
| Chanchin kimchang : Thahdo ṭawng
|
Thahdo ṭawng hi Mizoramah hman a ni lëm lo va, (Thahdo chiho, entirnan: Chawngthu ang chîte, 'n Mizo ṭawng an pianpui vek vang a ni; chutiang bawkin Paihte chiho leh Zohnahthlâk chipéngho pawhin atlangpuia Mizo ṭawng an pianpui vang a ni), amaherawhchu Manipurah mi nuai hnih dawnin an la hmang[3].Kuki tawng tin a ni ber.
Ṭawng dangte[edit]
A chunga kan sawi bâkah khian Zohnahthlâk ṭawng dang tam tak a la awm a, chungte chu a ṭhen a zar han sawi ila: {{Wp/lus/mizotlarna |Bäwm ṭawng |Khualsim ṭawng |Khumi ṭawng |Senthang ṭawng |Sizang ṭawng |Vaiphei ṭawng |Zotung ṭawng | Biate tawng | Pang tawng | Matu tawng|Zophei tawng|Senthang tawng
Thulâkna[edit]
- ↑ 1.0 1.1 B. Lalthangliana, 'Mizo tihin ṭawng a nei lo' tih kha
- ↑ R. Vanlawma, Mizo ṭawng hi Duhlian ṭawng a ni lo
- ↑ 3.0 3.1 3.2 3.3 3.4 3.5 Distribution of non-scheduled languages
