Wp/lus/Thangvêla (Zodi)
Pu Thangvêla (1955-2012) hi Zodi Rimawi Pawla rimawi tumtu pakhat a ni.
Pian leh murna[edit | edit source]
Pu Thangvela hi Pu Hungliana (fam), Khawlhring leh Pi Saihmingthangi (Pi Sami) Hauhnar te lakah kum 1955, sahmulphah thla ni 18 khan Maulmein-ah a piang a. A lai-ah hming tak chu - a pa Pu Hungliana lungden, Discus leh Javelin sport lama a hmingthanna chawiin Hmingthangvela tia sak a ni. Mahse Thangvela tia hriat ta a ni. Unau 7 an ni a:
Indawt° | Hming | Nupui/Pasal | Awmna |
---|---|---|---|
1 | Thangvêla (amah) | Ramfangthuii (Mami) | - |
2 | Thangkhuma | Vanhlupuii (fam) | Aizawl |
3 | Lalhmingthanga (Zodi drummer Ektea) | Sayama Suipari | Tahan B |
4 | Zohmingthangi | U Maung Mya | Tahan A |
5 | Khawlthanga (fam) | - | - |
6 | Thangzuali | Upa Lallunghnema | Yangon |
7 | Biakthangliani | Lazasanga | Aizawl |
Nupui fanau[edit | edit source]
Kum 1975-ah Ramfangthuii (Mami) nen an innei a, an fate chu:
Hming | Nupui / Pasal | Awmna |
---|---|---|
Zonunhlimi | Rev. Lalthlanhlua | Tahan D |
Zonunsangi | Vanlalnghaka | Tahan A |
Zonunthanga (Valtea) | Vanlaltluangi | Inpui |
Zonuntluangi | - | Inpui |
Tu 5 hmel a hmu.
Zodi[edit | edit source]
Thangvela hian a ṭhiante nen Zodi Rimawi Pawl an din a, a hun lai chuan Zoram khawvel a deng chhuak vek a ni. Tahan khaw chhung kawng metal road zut chungchangah Committee President niin hma a la nasa hle a, thuneitute a biak thiamna leh mipuite ṭanrualna aṭangin Tahanin veng dang aiin kawng zut a neih tam phah a ni. Chapchar Kut leh hnam chungchanga a ṭangkaizia pawh hi chhuanawm tak a ni.
Nat leh boral[edit | edit source]
Kum 2011, thiṭin thla ni 28 khan Daktawr-ten Right Sided Hemiparesis an tih natnain a na a, a hnu ni hnih (thiṭìn thla ni 30)-ah Kalaymyo damdawi inah a lut a, kum 2011, mimkut thla ni 5 khan damdawi in aṭangin a chhuak leh a, thisen thlum leh zun thlum te pawh a lo vei reng tawh a lo ni a. Mahse, Daktawr-te thu zawm zelin nasa takin ei-in a insum a. Kum 2011, mimkut thla ni 9-ah Yangon Hospital lianah in-check up-in ni 10 vel a châm a, chumi thlà vëk ni 17-ah a lo hawng leh a, pangngai takin a awm leh a ni. Kum 2012, ṭau thla ni 18 khan a na leh a, a naktûk-ah Kalaymyo damdawi inah riah luhpui leh a ni a, a harh ta lo reng reng a. Kum 2012, ṭau thla ni 22 tlai dar 2:30-ah chatuan ram a pan ta a ni.
Thulâkna[edit | edit source]
- CFL, ZODI Thangvela Sunna, misual.com thuziak[[1]]