Wp/lus/Lalzova

Lalzova
<spant style="font-family:Segoe script;">Lalzova thlalâk i neih chuan rawn thawh la kan läwm hlë ang
A chanchin tlangpui
Hming	Lalzova
Pian kum	Kum 1924, pawltlâk thla ni 2, thawhlehní
Thih kum	Kum 1945, pawltlâk thla ni 8, thawhṭanní
Sülhnu lam
Kutchhûak	Ral tlàn hlä, Mangṭha mangṭha, Khawnge i kal dawn sawi rawh Parte ka zui ang che.
Chawimawina	Mizo Hla Kungpui Mual-ah sengluh a ni.
Hriat hlawhna ṭhenkhatte
Hla phuah thiam.

Lalzova (1924-1945) hi kum 1924, pawltlâk thla ni 2-ah a piang a, Mizo zingah chuan lengzem hla phuah thiam ber zinga mi a ni a. Hla 50 zet a phuah a ni. Kum 1945, pawltlâk thla ni 8-ah a thi a, Lunglei Venglai thlanmualah phum a ni. A thih hian kum 21 chauh a upa a ni.

A chanchin dang

Rimawi a ngainain heng Spanish guitar, Hawaii guitar, violin, ukelele-te hi a tum thiam vek a. Mi lungleng thei mi nih nak alaiin, a bialnu’n pasal a neihsan a. Chumi avang chuan 'Khawnge i kal dawn sawi rawh parte ka zui ang che' tih hla a phuah phah a. A hlate hi 1960 hma lam kha chuan Zoram tluanah tlangvalte’n se dar tia zet tingtang awrhin, zan thla engah mimal leh a huhovin an sa uar hle. Zan thla engah nulaten luhkapuiah la an kai a; an bulah an inleng tlangval-ten Lalzova hla an han thlawh meuh chuan a hre pha nu leh pate’n an vanglai ni dawn kirin mutmu an tuah hlei thei lo a ni ber e.

A hla phuahte

1. Ral Tlan Hla (1945)
2. Mangṭha Mangṭha
3. My PP Odi
4. Matehawngi
5. Di Zawni
6. Pawnfen Fuali
7. Vulmawi Chuailopari
8. Lenna Khua Hmunlo
9. Mahriakte’n ar ang ka vai e Parte
10. Mitthlain ka hmu che
11. Min Then Lul Suh
12. Ka chantawk ka lungawi lo

Thulâkna

• Class-V Mizo (MBSE) Third Impression : 2006
• Mizo Hla Kungpui Mual luahtute, Lalzova [[1]]