Wp/lus/Barmaram

From Wikimedia Incubator
< Wp‎ | lus(Redirected from Wp/lus/Barma)
Wp > lus > Barmaram
Jump to navigation Jump to search
Barmaram puanzàr

Myanmar chu Asia chhim-chhak, India, Bangladesh leh China ramria Mizo hnahthlâk ţhenkhatte leh Kawl-ho chenna hmun a ni a, Indiaram, Chainaram, Laosiram, Thairam leh Banglaram te nèn a inrï a ni.

Barmaram ramri hrul hmun thuma ṭhena hmun khat zet hi Bengal Tuipui Tengsawl leh Andaman Tuipui kam hrulah a tlän a ni. Km 6,76,578 bial zeta zau niin khawvêla ram zau ber 40-na leh Asia chhimchhak ram zau ber pahnihna a ni. Mipui mtd. 58.8 zet chëngin khawvêl mipui tam berna ram 24-na a ni bawk.

Barmaram hi leilung hausakna lamah a sang hlë a, amaherawhchu kum 1962-a Ne Win-a'n ram siamṭhat a tumna kawngah ram rethei berte zinga mi-ah a lo chang ta a ni. A ram rorèlphung duh lohna avangin Iurâwp Insuihkhâwm, US, Canada leh ram dang ṭhenkhatte chuan Barmaram hi ei leh bar kawngah an hnualsuat tùr thü an puang a ni.

Mihring dikna-chanvo hnualsuatna a nasain mihringa sumdawnna te, naupang chhawr luihna te a hluar êm êm a, ngaihdàn sawi theihna zalenna a hniam hlë bawk.

Hnam chëngte[edit]

Barmaram hian chhiarpui mumal pawh kum 1931 hnu lamah a la nei lo va, mipui chëng zât hi hisàpna mai maia hriat a ni. Tün dihhmunah hian mipui mtd. 60 tling lo hret (mtd. 56 - 58) an chëng nia ngaih a ni.

Ṭawng chhungkua lian pui pui Sino-tibetan ṭawng chhungkua te, Tai-kadai ṭawng chhungkua te, Asia chhim ṭawng chhungkua te leh Indo-european ṭawng chhungkua te lian tham tak taka hmuh tur a awm a ni. Hê'ng zingah hian Sino-tibetan ṭawng chhungkuaa ṭawngte a tam ber a ni.

A hnuaiah hian Barmarama hnam chëngte ziah chhuah a ni: