Jump to content

Wp/kkv/Ėndonésya

From Wikimedia Incubator
< Wp‎ | kkv
(Redirected from Wp/kkv/Endonesya)
Wp > kkv > Ėndonésya

Endonesya, nyama resmina Republik Endonesya (Jebe: ꦤꦸꦱꦤ꧀ꦠꦫ, Nusantara) keya nagara bede e Asya ben Oseania, se ka apet ben tasek Endonesya-Pasifik. Ngarangkome 17000+ polo-polo; conto polo-polo raje reya akon Sumatra, Jebe, Sulabese, Kalimantan, ben Papuwa. Endonesya keya nagara paleng raje hadonya orotan nomer empak. Jebe, polo he paleng manyak orengna e donya, endik hakerana 55% rakyat Endonesya.

Sejarah[edit | edit source]

Jamanna se abit giok[edit | edit source]

Endonesya etenggele ben bengsa pribumi se asalna deri Endonesya nto direk, manyak bukti se kapendem etomeagen ben ahlina, contona keya aropa tolang-tolang se e katemoe e polo Jebe se epakera-keraagen omorna lebih laan hampek 2 juta taon kapongkor.

Jamanna rato-rato[edit | edit source]

Habelunna Masehi[edit | edit source]

Tadek se e tao paste kapan jaman karatonan e Endonesya emolai, tapi bede bukti akon ketab Ramajena (ketabna reng Indiya) se nyebuk mon kera-kera 500 taon habelunna Masehi posak laan peradaban e polo Jebe, bede 7 karatonan e jaman ento.

Hamarena Masehi[edit | edit source]

Posak karatonan e Endonesya se kabangon jaman hamarena Masehi, contona akon Salakanagara taon ka 100 ben Tarumanagara taon 350an e bera' Jebe, Kutai taon 390an e laok Kalimantan, Kalingga taon 500an e tengah Jebe, lan manyak polek.

Karatonan se paleng manyak koasana poneka akon Sribije ben Majapait. Sribije reya emolaagen e Palembang taon 600an, mon Majapahit emolaage e laok Jebe (Trowulan, Mojokerto) taon 1200an.

Jamanna bengsa bera' deteng[edit | edit source]

Bengsa bera' se ka mola-mola deteng ka Endonesya keya Portuges, epempen ben Francisco Serrão nyare palapa e kapoloan Maluku. Marento deteng polek laenna akon bengsa Prances, Belanda, ben Enggres.

Belanda paleng abit ngoasae Endonesya, kera-kera bede laan 350 taonan. Oreng-oreng e paksa alalakon tape tak pernah ebejere opahna, ena esebuk rodi, manyak oreng mate.

Jamanna Jepang deteng[edit | edit source]

Jepang deteng e Endonesya taon 1942, bejeh Jepang deteng ena manyak golongan se ka endik kakarepan merdeka moncol. Neroe kelakoanna Belanda, Jepang norok-norok maksa oreng Endonesya alalakon kanggu kaperluanna Jepang tape tak gelem majere duit ape-ape belekak, e jaman Jepang ena alalakon paksa reya esebuk romusa.

Bede manyak besa se e totoragen marang reng Endonesya, jumlahna kera-kera lebih 700 besa. Besa Jebe poneka besa se paleng manyak panotorna, korang lebih bede 110 juta panotor. Maskento, Endonesya endik besa se oleh eanggu marang hapa bei, besana reya esebuk besa Endonesya.

Leak laenna[edit | edit source]

Somber patokan[edit | edit source]

Template:Wp/kkv/Reflist