Wp/isv/Наири (компјутер)
Наири (arm.: Նաիրի, Nairi) была серија совєтскых компјутеров обчего придєланја, кторе сут были створјене в Ереванском НИИ математичных машин (ЕрНИИММ)[1]. Изпушчали се од 1964 до 198-х роков.
Наири-1
[edit | edit source]В 1962 року спочело се створјенје компјутера, кторо было докончено в 1964 року.
Главны творитељ је Грачја Есаевич Овсепјан (arm.: Հրաչյա Հովսեփյան), основне творитељи: Дадашјан Е. Л. (конструкција), Буниатјан М. Р. (математично забезпеченје), Геолецјан А. Г. (централны процесор), Нерсисјан А. О. (операцијна памет и дисковы носитељ даных), Мкртчјан Ж. А. (системы електроједанја), Джанджулјан Е.Л. (блок управјенја внєшными апаратами).
Изпушчал се компјутер Ереванскым заводом "Електрон" и Казанскым заводу ЕИМ (електронично изчислитељных машин).
Техничне параметры:
- 36 разредны процесор
- Тактова честота в 50 кГц
- Објем операцијној памети јест 1024 слова (8 касет по 128 клєток (rus.: ячейки; ang.: cells))
- Брзост изчисљениј јест 1,5-2 тысеч операциј в једну секунду
- Длгочасна памет има објем 16 384 слов
Наири-К
[edit | edit source]Модификација има:
- Увеличену операцијну памет в 4096 слов.
Наири-М
[edit | edit source]Модификација од 1965 рока, ктора има:
- Устрој вводженја од диротасмы (дирева лента) (ang.: Punched tape, perforated paper tape; esp.: Trubendo) FS-1500
- Устрој изводженја од диротасмы ПЛ-80 Казанского завода пишучих устројев.
Наири-С
[edit | edit source]Модификација од 1967 рока, ктора има електроничну пишучу машину Консул-254 как терминал.
| Параметр | Наири | Наири-М | Наири-С | Наири-К | Наири-2 |
|---|---|---|---|---|---|
| Објем ОЗУ, 36-разр. слов | 1024 | 1024 | 1024 | 4096 | 2048 |
| Објем ДЗУ, 36-разр. слов | 16384 | 16384 | 16384 | 16384 | 16384 |
| Тактова честота, кГц | 50 | 50 | 50 | 50 | 100 |
| Брзост изчисљениј за операције с непостојанној точкоју, в операцијах в једну секунду | 100 | 200 | 200 | 200 | 400 |
| Коликост машиновых инструкциј | 44 | 44 | 44 | 50 | 48 |
| Коликост псевдооперациј | 37 | 37 | 37 | 55 | 55 |
| Коликост стандардных програм | 5 | 6 | 6 | 11 | 11 |
| Устроје вводженја | СТА-2М
РТА-50 |
Zoemtron
ПЛ-20 СУ-1 |
Консул-254
ПЛ-80 FS-1501 |
Консул-254
ПЛ-80 FS-1501 |
Консул-254
РТА-60 Риони ПЛ-80 FS-1501 |
Наири-2
[edit | edit source]Створјена је в 1966 року. Операцијна памет изтворјена на феритовых кољцах и има објем в 2048 36-разредных слов.
Наири-3
[edit | edit source]Створјена в 1970-х и јест првы совєтскы компјутер 3-го покољенја, кторы был изтворјен на хибридных интегралных схемах.
Наири-4
[edit | edit source]Была изтворјена в 1974–1981 роках и была сумєстима с PDP-11 и компјутерами СМ ЕИМ (rus.: «СМ ЭВМ» — «Система Малых Электронно Вычислительных Машин»).
Източникы
[edit | edit source]- ↑ "Електроно-изчислителне машины серије «Наири»". computer-museum.ru. 4 maja 2017. Bylo arhivovano iz iztočnika 4 oktobra 2022.
Внєшње линкы
[edit | edit source]- Краткы техничны опис «Наири» — архивована версија
- Виртуалны Компјутерны Музеј — Тигран Гаспарјан, Сергеј Огаджанјан — ЕИМ серије «Наири» — прєдвєстники особного компјутера — архивована версија
- Виртуалны Компјутерны Музеј — ЕИМ серије «Наири» — архивована версија
- SORUCOM-2006 — Оганјан Герман — Серија малых ЕИМ «Наири»
- Образок Наири-К — архивована версија
- Tutoj članok imaje prěvod iz članka «Наири (компьютер)» v Vikipediji na russkom (spis avtorov; dozvoljeńje CC BY-SA 4.0).
