Wp/isv/Game.EXE
Game.EXE был росијскы журнал, кторы писал об индустрији компјутерных игр. Изходил од марца 1995 до јунија 2006 года од московского издатељства "Компјутера" (до јануара 1997 года под назвоју "Магазин играчек", rus.: Магазин игрушек). Главным редактором од почетка 1996 года до маја 2006 года был Игор Исупов.
Журнал "Магазин играчек" был основаны основатељем Дмитријем Мендрељуком и издатељством "Компјутера" (Компьютерра) в почетку 1995 года, але к концу года без малого вса почеткова команда была извољнена од конфликта с рекламодатељем, а назначены главным редактором Исупов собрал вокруг собє нову команду. В концу 1996 года "Магазин играчек" был јуридично затворены од несугласја меджу основатељем и издатељем, але был тутчасно возроджены и с јануара 1997 года јего публиковали мєсечно под новоју назвоју Game.EXE. Једночасно измєнил се и тематичны обсег изданја, фокусом кторого од того часа стали компјутерне игры. Широку знаменитост журнал получил в почетку 2000. годов, когды редакција опубликовала нєколико "концепцијных журналов", кторе были о једном прєдмету и одличали се уникалным дизајном. Послє того јего наклады почели расти и досегнули врха к јубилејному 100. журналу в новембру 2003 года. Једнако к срєдинє 2000. годов редакција почела имати финансове трудности, и послє наглого одпуста Исупова в мају 2006 года и неудачној пробы прєвести журнал на седмичны режим в јунију того же года Game.EXE был затворјены.
Журнал финансовали продажи, а не реклама, и тому редакција активно борила се за своју незалежност од великых издатељев игр, вкључајучи росијскых. При активном учестју Исупова култивировали својску "митологију" журнала, в кторој фигуровали лиричне образы авторов. Хот журналистскы стиљ и книжевне достојности Game.EXE высоко цєнила цєљева публика и критики, масовој популарности журнал не имал, что и стало поводом јего затворјенја.
Внєшње линкы
[edit | edit source]- Колекција журналов Game.EXE в Архиву Интернета
- Tutoj članok imaje prěvod iz članka "Game.EXE" v Vikipediji na russkom (spis avtorov; dozvoljeńje CC BY-SA 4.0).