Wp/isv/Fantastika

Fantastika, Fikcija fantastična — žanr literatury, kina, muziky, igr, rysovanja i drugyh oblastej umětnosti. Toj žanr ima fantastične elementy, ktore ne sut vidime ili ne sut možlive v našem realnom světu.

V prostom govoru mnogih ljudij slova "fantastika", "sci-fi" i "fantazi" mogut byti sinonimične. Ale v oficijnyh normah zapadnyh^[1]^[2] i iztočnyh^[3]^[4] slovjanskyh jezykov, takože v bulgarskom jezyku^[5], slovo "fantastika" označaje žanr, ktory vklučaje v sebe: sci-fi, horor, fantazi, magičny realizm, alternativnu historiju, superherojsko kino i t.d., kiberpank, stimpank, bajky, i t.d. V oficijnyh normah hrvatskogo jezyka za toj žanr jest slovo "spekulativna fikcija"^[6], i slovo "fantastika" ima vyše vuzky smysl i naleži do stilja "fantazi" ^[7].

Stily

Razděl žanra "fantastika" na različne stily ne jest strogy. Mnoge tvorby žanra "fantastika" jest možlivo klasifikovati do několikyh stilej. Něktore tvorby ne jest možno klasifikovati ni do jednogo stilja.

Naučna fantastika, Sci-fi — fantastične elementy sut naučne ili tehnične iznahodky. Obyčajno v sci-fi pokazyvajut budučnost. Fantastične elementy trěbujut byti podolg pravil nauky, aktualnyh v čas pisanja tvorby. Ako tvorba ide ne podolg naukě, tu tvorbu možno klasifikovati kako drugy stil fantastiky — "fantazi".
Fantazi — fantastične elementy tvorby sut magične.
Horor — fantastične elementy tvorby provokujut strah.
Magičny realizm — mikstura realističnogo života i magičnyh ili folklornyh elementov.

Iztočniky

Tuty članok ima prěvod iz članka Vikipedije: Fantastika

[1] ttps://pl.wikipedia.org/wiki/Fantastyka

[2] ttps://cs.wikipedia.org/wiki/Fantastika

[3] ttps://ru.wikipedia.org/wiki/%D0%A4%D0%B0%D0%BD%D1%82%D0%B0%D1%81%D1%82%D0%B8%D0%BA%D0%B0

[4] ttps://uk.wikipedia.org/wiki/%D0%A4%D0%B0%D0%BD%D1%82%D0%B0%D1%81%D1%82%D0%B8%D0%BA%D0%B0

[5] ttps://bg.wikipedia.org/wiki/%D0%A4%D0%B0%D0%BD%D1%82%D0%B0%D1%81%D1%82%D0%B8%D0%BA%D0%B0

[6] ttps://hr.wikipedia.org/wiki/Spekulativna_fikcija

[7] ttps://hr.wikipedia.org/wiki/Fantastika

[1]

[2]

[3]

[4]

[5]

[6]

[7]