Wp/isv/Rodina

Rodina, sěmja ili familija (od latinskogo familia) jest grupa ljudij, svezanyh libo krovnym rodstvom (priznanym rodženjem), libo blizkostju (supružsrvom abo inymi odnošenjami). Ona formiruje osnovu socialnogo poredka. V idealu rodiny zabezpečajut prědvidimost, strukturu i bezopasnost po měrě togo, kak jih členi dozrěvajut i učet se učestvovati v žitju spoločenstva. Historično stalo se tak, že večinstvo člověčjih spoločnostij koristajut rodinu kak osnovnu cělj privezannosti, vozpitanja i socializacije.

Antropologi klasifikujut večinstvo rodinnyh organizacij kak matriarhalne (mati i jejne děti), patriarhalne (otec i jego děti), supružske (supružska para s dětami, takože imenujema nuklearnoju rodinoju), avunkularne (muž, jego sestra i jejne děti) abo razširjene (pomimo roditeljev, suprugi i dětij, mogut vključati baby, dědov, tetky, stryjcev abo kuzenov i kuziny).

Cělj genealogije jest ogleděti rodoslovje rodiny na proteženju vsej historije. Rodina takože jest važnoju ekonomičnoju jediniceju izučajemoju v ramkah rodinnoj ekonomiky. Slovo «rodiny» možno koristati metaforično dlja stvorjenja vyše glubinnyh kategorij, takyh kak spoločnost, narod i globalna ves.

Vněšnje linky

Tutoj članok imaje prěvod iz članka «Family» v Vikipediji na anglijskom (spis avtorov; dozvoljeńje CC BY-SA 4.0).