Wp/isv/Poljska objedinjena rabotničska partija
|
| |
Politična partija v Poljskě
| |
|---|---|
| Ideologija | komunizm, marksizm-leninizm |
| Gaslo | Proletariusze wszystkich krajów, łączcie się! (Proletari vsih krajev, sjedinite se!) |
| Vodž | Bolesław Bierut (prvy) Mieczysław Rakowski (poslědnji) |
| Založenje | 15 dekembra 1948 |
| Likvidacija | 29 januara 1990 |
| Povstala iz fuzije | Poljska socialistična partija (PPS) i Poljska rabotničska partija (PPR) |
| Naslědnik | Socialdemokracija poljskoj republiky (SdRP), Poljska socialdemokratična unija (PUS), Svez poljskyh komunistov „Proletariat” (ZKP „P”), Dviženje ljudij raboty (RLP) |
| Členstvo | ok. 3 milionov[1] |
| Členi v Izbě deputatov | 173/460 (1989) |
| Členi v Senatu | 0/100 (1989) |
| Medžunarodna organizacija | Kominform (do 1956 g.) |
| Mladežna organizacija | Svez socialističnoj poljskoj mladeži (ZSMP) |
| Kolory partije | črveny |
| Glavno sědališče | ul. Nowy Świat 6/12 00-497 Warszawa |
Poljska objedinjena rabotničska partija (pol.: Polska Zjednoczona Partia Robotnicza, PZPR) byla vladajuča komunistična partija Poljskoj narodnoj republiky v lětah 1948–1990.
Partija povstala poslě (menje ili bolje prinudženogo) slitja Poljskoj rabotničskoj partije (PPR) i Poljskoj socialističnoj partije (PPS) v 1948 godu. Od hvilje jej založenja PZPR byla najmočnějša partija v Poljskě až do prvyh demokratičnyh izborov v 1989 godu. Druge partije jestvujuče mimo PZPR byli čest Fronta jedinstva naroda. Partijny sjezd PZPR-a formalno byl najvysši organ partije. Sjezd izbiral Centralny Komitet. Jednakože vsakodenno rukovodstvo partije bylo Politično bjuro, izpolniteljny komitet izbirajemy iz členov Centralnogo komiteta. Politično bjuro imělo i glasujučih členov i (neglasujučih) členov-kandidatov. V istinnosti lider partije byl prvy sekretar.
V 1989 godu PZPR stratila monopol vlasti v stvorila koalicijnu vladu s Solidarnostju. V januaru 1990 goda PZPR razpustila se. Večinstvo členov založilo novu postkomunističnu partiju, Socialdemokraciju Poljskoj Republiky. Jednakože Poljska Komunistična Partija (založena v 2002 g.) mni, že jest jediny pravdivy nastupnik PZPR-a.
Spisok prvyh sekretarov PZPR-a
[edit | edit source]| Ime | Lěta |
|---|---|
| Boleslav Bjerut | 1948–1954 (prědsědnik Centralnogo Komiteta) 1954–1956 |
| Edvard Ohab | 1956 |
| Vladislav Gomulka | 1956–1970 |
| Edvard Gjerek | 1970–1980 |
| Stanislav Kanja | 1980–1981 |
| Vojcěh Jaruzeljski | 1981–1989 |
| Mečislav Rakovski | 1989–1990 |
Iztočniky
[edit | edit source]- ↑ "Partia musi konsekwentnie odnawiać pełnomocnictwa klasy robotniczej. Dyskusja przed XII Plenum KC PZPR" (79:10648). Gazeta Krakowska. 5 aprilja 1983. str. 1. Data dostupa: 29 septembra 2024.