Wp/isv/Parny voz

Vtory Fardier, ktory iznašel Nicolas-Joseph Cugnot (1771). Prvy neščesny slučaj s avtom (1771).

Parny voz jest avtomobil, ktory napajaje se parom.

Historija

Parne vozy byli prve istinne avta v historiji. Uže v 1769 g. Francuzsky iznahodnik Nicolas-Joseph Cugnot (kir.: Никола-Жозеф Кјуњо) prědstavil publikě svoj samojezdeči voz, iztvorjeny jim za francuzsku artileriju. Kromě togo, on pravdopodobno takože byl tojže sam, ktory v 1771 g. pričinil prvy neščesny slučaj s avtom.

Prvy parny voz, ktory byl produkovany v petdeseti ekzemplarah, byl v 1878 g. La Mancelle, ktory iztvoril Amédée Bollée (kir.: Амеде Болле).

V 1906 g. avto napajano parom, imenovano Stanley Rocket ("Raketa Stanley’ev") i iznajdeno bratami Francis Edgar Stanley i Freelan Oscar Stanley, bylo prvo avtomobil, ktory dostigl brzinu vysšu neželi 200 km/č., imenno 205,5 km/č.

Na početku ne bylo izvěstno, ktore motory budut najbolje uspěšne na trgu: parne ili električne, jednakože nakonec izigrali motory s vnutrišnjim sgarjanjem. Parne motory služili veče ili menje ješče do 1950-yh lět, glavno kako traktory i valce.

Galerija

• 
  Parny voz Taylor’a (1867).
• 
  Prvy motocikl: parny velosiped Michaux’a i Perreaux’a (1867-69).
• 
  Parno avto La Mancelle Amédée’a Bollée’a (1878)
• 
  Parno avto Shearer’a (1898).
• 
  Parno avto Doble Model E (1924)