Wp/isv/Pangram
Tutoj kratky članok jest v začetku.
Možete pomogti Vikipediji uveličenjem članka. (May 2023)
Pangram jest fraza, ktora imaje vse bukvy někogo alfabeta. Napriklad, "The quick brown fox jumps over the lazy dog" ("Brza koričneva lisica skoči črěz lěnivogo psa") jest mnogo vědomy pangram za anglijsky jezyk.
Pangramy se koristajut, da by prěgledati fonty, prověrjati orudovańja, programy, i razklady klaviatury. Takože člověk može trenovati tipkańje, kaligrafiju, i tvoreńje rukopisnogo teksta prěz pisańje pangramov.
Idealny pangram imaje každu bukvu alfabeta jedin raz i jest takože anagram alfabeta.
Iz bukv standardnogo latinskogo alfabeta:
- Majk rěšil ne brati četyridesetu cigaru: proigral fazanu v šahy na žalost. (66 bukv)
- Každa ščestliva ryba fugu uměje graciozno padati v hladnu vodu. (53 bukvy)
Iz bukv kiriličskogo alfabeta:
- Чи јест ли грєх мыслити, же западне цифры сут бољ, воњ и шок? (48 букв)
- Прєпоручам: ховај блины од дожда в кафе «пењ», затоже цєљ јест гроши. (53 буквы)
- Њухам: млады шизофреник цєли в джбан, мыслечи же он јест група краљев. (55 букв, ако ли појмати "ДЖ" како једину букву)
- Шок же! В Пољскє замєсто «чај» рєкут «хербата», але дыња из глины јест фикција. (59 букв)
Iz bukv latinskogo etimologičnogo alfabeta:
- Hćų prěporųčiti: ględi pěše Troicky most v grådu Čeljabinsku, žęđam foto za ženų. (66 bukv, koristaje etimologične bukvy å, ę, ų, đ, ć)
- každy ščęstlivy pės uměje graciozno padati v ćuđų, hlådnų vodų: vzęti rybu fugu iz vȯzduha. (74 bukv, koristaje etimologične bukvy å, ę, ų, đ, ć, ȯ, ė)
- Ćuđi děvėc už nese dȯžď i gręź. Či bųde li vśako zlo, smŕťny sȯn, i fataĺno pohlådańje? (67 bukv, koristaje etimologične bukvy å, ć, č, đ, ď, ė, ę, ě, ľ, ń, ŕ, ȯ, ś, š, ť, ų, ź, ž)
Iz bukv standardnogo glagoličnogo alfabeta:
- Ⱍⰻ ⰵⱄⱅ ⰾⰻ ⰳⱃⱑⱈ ⰿⱏⰹⱄⰾⰻⱅⰻ · ⰶⰵ ⰸⰰⱂⰰⰴⱀⰵ ⱌⰻⱇⱃⱏⰹ ⱄⱆⱅ ⰱⱁⰾⱐ · ⰲⱁⱀⱐ ⰻ ⱎⱁⰽ ;