Wp/isv/Nupedija

Logotip Nupedije s napisom «Svobodna enciklopedija».

Snimok glavnoj stranice Nupedije na 8 avgusta 2003 roka.

Nupedija (ang.: Nupedia) byla svobodnoju onlajn-enciklopedijeju na anglijskom jezyku, članky v ktoroj pisali dobrovoljci s znańjem prědmeta i prěgledali služebnym procesom. Ju osnovala 9 marca 2000 roka kompanija Bomis, ktora byla susrědotočena na stvorjeńju portalov s erotičnym sodržańjem. Nupedija istnovala s 2000 po 2003 roky i tutčas jest najznana kako prědhodnica Vikipedije. Odličjem Nupedije od Vikipedije bylo, že jej članky prěgledali 7-krokovym procesom prověrky, a ne svobodno pisali v viki-ustroju. Nupedija odobrila samo 21 člankov v prvy rok svojej raboty, sravniteljno s 200 člankami v Vikipediji v prvy mesěc jej raboty i 18000 člankov v prvy rok.

Glavnymi ljudami v Nupediji byli Džimi Vels, direktor Bomisa, i Lari Senger, glavny redaktor projekta. Nupedija imala svoje svobodno dozvoleńje Nupedia Open Content License, ale ješče do izpuščeńja Vikipedije ona izměnila dozvoleńje na GNU Free Documentation License po zovu Ričarda Stolmana.

Do prěstańja raboty Nupedije v projektu odobrili vsego 24 člankov i ješče 150 byli v procesu prověrky. Server Nupedije umrěl v septembru 2003 roka i ju ne stali prěspuščati, a jej nemnoge članky stali čestju anglijskoj Vikipedije.

Vněšnje linky

• Stranice Nupedije v Internet-arhivu
• Tutoj članok imaje prěvod iz članka "Nupedia" v Vikipediji na anglijskom (spis avtorov; dozvoljeńje CC BY-SA 4.0).