Wp/hrx/Brasilje

República Federativa do Brasil
Fëdërativ Republik fun Brasilje
Brësiliaanisch Faan Brësiliaanischer Wove Faan Wove
Waalspruch: Ordem e Progresso "Ordnung un Fortgang"
Offiziaalsproch	Portugiesisch
Hauptstatt	Brasília
Staatsforrem	Bunnesrëpublik
Rëghierungssistem	Prësidenziaal Demokratie
Staatsowerhaupt, zugleich Rëghierungsscheff	Prësident Luiz Inácio Lula da Silva
Flech	8.515.770 km²
Populazion	208.360.000 (Dezember 2017)
Populazion Dicht	24 Inwohner pro km²
Wärung	Rëal (BRL)
Unabhengichkeed	7. September 1822 (Erkleerung) 1825 (fun Portugal aanerkennd)
Nazionaalhimm	Hino Nacional Brasileiro
Zeidzone	UTC−5 bis UTC−2
Kennzeiche	BR
ISO 3166	BR, BRA, 076
Internet-TLD	.br
Tëlefonforwaal	+55
Laagh fun Brasilje

Brasilje (aach Brasil) is das grest un estlichst Land fun Siedamerika un Lateinamerika. Es is das finnestgrest Land fun de Welt noh Flech un das siebtgrest noh Populazion. Sein Hauptstatt is Brasília un sein Populazionsreichst Statt is São Paulo. Brasilje is en Bunnestaat, wo aus 26 Staate un enem Bunnesdistrikt bestehd. Es is das eenzichst Land in Amerika, wo Portugiesisch die offiziaal Sproch is. Brasilje geheerd zu de multikulturaaleste un etnisch diversest Nazione fun de Welt weche de seid iwer een Joherhunnerd Massinwannrung aus de ganze Welt.

Brasilje grenzd im Oste de Atlantische Ozëaan un hod en 7.941 Kilometer lang Kist. Es bedeckd ungefäer die Helleft fun Siedamerika sein Landflech un grenzd aan all annre Lenner un Gebiede fum Kontikent auser Ëquatoer un Chilë. Das brësiljaanisch Amazonasbecke umfassd en riesicher tropischer Wald, wo en divers Wildleve, en Diversiteet fun ëkologische Sisteme un iwerflissiche Natuergider abrigeerd. So en eenzichaartich Umwelterreb stelld Brasilje uff Platz enns fun 17 mëgadiverse Lenner. Dem Land sein natierlich Reichdum bringd aach globaale Interess uff, wal Umweltdëgradazion direkt Nohwerrkunge uff globaale Probleme wie Klimaennrung un Biodiversiteetferlust hod.