Wp/hrx/Bolivje

Estado Plurinacional de Bolivia
Plurinazionaaler Staat fun Bolivje
Bolivjaanischer Faan Bolivjaanischer Wove Faan Wove
Waalspruch: La unión es la fuerza "Die Eenheed is die Sterrik"
Offiziaalsproch	Spanisch, Ketschua, Aimaraa, Guaranih, annre indigene Sproche
Hauptstatt	Sucre
Rëghierungssitz	La Paz
Staatsforrem	Eeenheedrëpublik
Rëghierungssistem	Prësidenziaal Rëpublik
Staatsowerhaupt, zugleich Rëghierungsscheff	Prësident Luis Arce
Flech	1.098.581 km²
Populazion	12.186.079 (2023)
Populazion Dicht	10.4 Inwohner pro km²
Wärung	Boliviano (BOB)
Unabhengichkeed	6. August 1825 (fun Spanje)
Nazionaalhimm	Bolivianos, el hado propicio
Zeidzone	UTC−4
Kennzeiche	BOL
ISO 3166	BO, BOL, 068
Internet-TLD	.bo
Tëlefonforwaal	+591
Laagh fun Bolivje

Bolivje is en kistlos Land in de Mitte fun Siedamerika. Es grenzd im Norde un Oste aan Brasilje, im Siedoste aan Paraguai im Siede aan Argentinje, im Siedweste aan Chile un im Weste aan Peru. La Paz is de Rëghierungssitz un die Ferwaltungshauptstatt, wo sich die Ëxëkutiv, die Lëgislativ un die Waalgewalt befinne, wärend die konstituzionaal Hauptstatt Sucre is, wo aach die Judikativ sitzd. Die grest Statt un das wichtichst Industriezentrum is Santa Cruz de la Sierra, wo in de Llanos Orientales leid, en aam Meerst flach Rëghion im Oste fum Land mit ener divers net-andine Kultuer.

De suveraan Staat fun Bolivie is en konstituzionaal eenheedlicher Staat, wo in nein Dëpartemente unnerdeeld is. Sein Gëografie varieerd noh de Heh, fun de schneebedeckde Berrichspitze fun de Ande im Weste bis zu de estliche Evene im Amazonasbecke. En Drittel fum Land leid in de Ande. Mit ener Flech fun 1.098.581 km² is Bolivje noh Brasilje, Argentinje, Peru un Kolombje das finneftgrest Land fun Siedamerika un nevich Paraguai ennes fun zweu kistlose Lenner in Amerika. Es is das 27. grest Land fun de Welt, das grest kistlos Land fun de siedliche Hëmisfäer un das sibtgrest kistlos Land fun de Äerd noh Kasakstaan, Mongolje, Tschad, Nigher, Mali un Ëtiopje.