Wp/cop/ⲡⲧⲟⲗⲉⲙⲁⲓⲟⲥ ⲡⲓⲙⲁϩⲃ̅
ⲡⲧⲟⲗⲉⲙⲁⲓⲟⲥ ⲡⲓⲙⲁϩⲃ̅ ⲫⲓⲗⲁⲇⲉⲗⲫⲟⲥ ("ⲡⲓⲙⲉⲛⲣⲓⲧ ⲛ̀ⲛⲉϥⲙⲉⲧⲥⲟⲛ") ⲟⲩⲟⲩⲣⲟ ⲛ̀ⲭⲏⲙⲓ ⲓⲥϫⲉⲛ 283 ϣⲁ 246 ⲥⲁⲧϩⲏ ⳪ ⲡⲉ. ⲛ̀ⲑⲟϥ ⲡⲉ ⲡⲓϣⲏⲣⲓ ⲙ̀ⲡⲧⲟⲗⲉⲙⲁⲓⲟⲥ ⲡⲓϣⲟⲣⲡ ⲛⲉⲙ ⲃⲉⲣⲉⲛⲓⲕⲏ.
ⲱⲛϦ[edit | edit source]
ⲁⲩⲙⲁⲥϥ Ϧⲉⲛ 309/308 ⲥ⳪ Ϧⲉⲛ ϯⲙⲟⲩⲓ ⲕⲱⲥ Ϧⲉⲛ ϯⲥⲩⲅⲅⲉⲛⲉⲓⲁ ⲛ̀ⲧⲉ ⲡⲧⲟⲗⲉⲙⲁⲓⲟⲥ ⲁ̅ ⲥⲱⲧⲏⲣ ⲛⲉⲙ ⲃⲉⲣⲉⲛⲓⲕⲏ ⲁ̅. ⲁⲩⲧⲥⲁⲃⲟϥ ⲉⲃⲟⲗϩⲓⲧⲉⲛ ⲫⲓⲗⲓⲧⲁⲥ ⲛ̀ⲕⲱⲥ ⲛⲉⲙ ⲥⲧⲣⲁⲧⲱⲛ ⲙ̀ⲗⲁⲙⲯⲁⲕⲟⲥ.
ⲉⲧⲓ ⲡⲉϥϫⲓⲛⲉⲣⲟⲩⲣⲟ ϯⲙⲉⲧⲛⲓϣϯ ⲛ̀ϯⲁⲩⲗⲏ ⲛ̀ⲣⲁⲕⲟϯ ⲁϥϣⲟⲡ ϩⲓ ⲡⲉϥϭⲓⲥⲓ ⲟⲩⲟϩ ⲁϥⲉⲩⲡⲟⲣⲉⲓ ⲫⲙⲟⲩⲥⲉⲓⲟⲛ ⲛⲉⲙ ϯⲃⲓⲃⲗⲓⲟⲑⲏⲕⲏ ⲛ̀ⲁⲗⲉⲝⲁⲛⲇⲣⲓⲁ.
ϯⲙⲉⲧⲁϣⲁⲓ ⲛ̀ⲛⲓⲃⲉⲧⲥ ⲁⲩϣⲱⲡⲓ ⲉⲧⲓ ⲡⲉϥϫⲓⲛⲉⲣⲟⲩⲣⲟ. ⲡⲉϥϣⲉⲛⲙⲁⲩ ⲙⲁⲅⲁⲥ ⲁϥⲟⲩⲱⲛϩ ⲙ̀ⲙⲟϥ ⲙ̀ⲡⲓⲟⲩⲣⲟ ⲛ̀ⲕⲩⲣⲓⲛⲛⲉ Ϧⲉⲛ 276 ⲟⲩⲟϩ ⲁϥϣⲁ ⲙ̀ⲡⲓⲃⲉⲧⲥ ⲛ̀ⲥⲁ ⲡⲧⲟⲗⲉⲙⲁⲓⲟⲥ Ϧⲉⲛ 274 ⲥⲁⲧϩⲏ ⳪. ⲙⲁⲅⲁⲥ ⲁϥⲱⲗⲓ ϯⲙⲉⲧⲣⲉⲙϩⲉ ϣⲁ ⲡⲉϥⲙⲟⲩ Ϧⲉⲛ 250 ⲥⲁⲧϩⲏ ⳪.
ⲉⲧⲓ ⲡⲓⲃⲉⲧⲥ ⲛ̀ⲥⲁ ⲙⲁⲅⲁⲥ ⲡⲓⲕⲉⲃⲉⲧⲥ Ϧⲉⲛ ⲡⲓⲉⲃⲧ ⲛ̀̇ⲁⲩϣⲱⲡⲓ. ⲁⲛⲧⲓⲟⲭⲟⲥ ⲡⲓϣⲟⲣⲡ ⲥⲱⲧⲏⲣ ⲡⲓⲕⲁⲓⲥⲁⲣ ⲛ̀ⲣⲉⲙⲛⲥⲉⲗⲉⲩⲕⲟⲥ ⲁϥⲙⲓϣⲓ ⲛ̀ⲥⲩⲣⲓⲁ ⲛ̀ϫⲟⲛ ⲛⲉⲙ ⲓⲟⲩⲇⲁⲓⲁ Ϧⲉⲛ ⲡⲓϣⲟⲣⲡ ⲙ̀ⲃⲉⲧⲥ ⲛ̀ⲥⲩⲣⲓⲁ. ⲙⲉⲙⲉⲛⲥⲁ ⲙ̀ⲡⲓϭⲣⲟ ⲛ̀ⲣⲉⲙⲛⲡⲧⲟⲗⲉⲙⲁⲓⲟⲥ ⲭⲏⲙⲓ ⲁϥϣⲟⲡⲓ ϯϫⲟⲙ ⲛ̀ⲓⲟⲙ ⲛ̀ⲛⲓϣϯ ⲟⲩⲟϩ ⲁϥⲉⲣϣⲓϣⲓ ϩⲓϫⲉⲛ ⲕⲓⲗⲓⲕⲓⲁ, ⲗⲩⲕⲓⲁ, ⲡⲁⲙⲫⲩⲗⲓⲁ ⲛⲉⲙ ⲕⲁⲣⲓⲁ.