Wp/chn/Tsiltsil (kusaxh)
Tsiltsil əbə chilchil ixt hayas, t'wax̣ ikta kopa kusax̣. Sən nesaika elip-wik-saya tsiltsil. Nesaika təmtəm: 10^22-10^24 tsiltsil miłait kopa kusax̣. Maika nanich hayu tsiltsil kopa pulakhli. Kopa hayas thawn, wik maika nanich hayu tsiltsil, pi elip saya kopa kanawi x̣luima tilixam maika nanich 4,000 tsiltsil. Anqati tilixam łaska mamuk təmtəm: wik tsiltsil łatwa kopa kusax̣. Pi alta nesaika mamuk-kəmtəks: kanawi tsiltsil, kakwa sən, łatwa, pi wik nesaika nanich ukuk, qiwa hayu saya kanawi tsiltsil.
Qənchi tsiltsil chako-tenas; łaska dilet chako hayas. Ałqi, łaska ława chako wəx̣t tenas pi wəx̣t t'wax̣, pi chako mimalust.