Wp/chn/spukʰan, washintan-iliʔi
| spukʰan Spokane (bastən-wawa) | |
 | |
.svg) | |
| chaku-tənas: | 1873 kʰul |
| iliʔi: | bastən-iliʔi |
| tənəs-iliʔi: | washintan-iliʔi |
| qʰənchi-hayu tilixam: | 228,989 (2020 kʰul) |
| qʰənchi-hayu iliʔi: | 69.5 mi²/180.0 km² |
| ZIP-kʼwinin-ikta: | 99201-99220, 99223, 99224, |
| qʰa spukʰan miɬayt kʰapa washintan-iliʔi |
  spukʰan
|
spukʰan ixt tʰawn qʰa-san-chaku kʰapa maɬx̣wəli washintan-iliʔi. 18 mayl (30 km) saya aydaho-iliʔi spukʰan, pi wik saya spukʰan-stalu ukuk tʰawn. kʰəpit ixt tʰawn kʰapa washintan-iliʔi iləp-hayash kʰapa spukʰan: siʔaɬ-tʰawn ukuk. kʰapa 2020 kʰul, 228,989 tilixam ɬaska miɬayt kʰapa spukʰan. iləp tʰawn qʰa tilixam ɬaska munk "papa-san" spukʰan.
anqati
[edit | edit source]pus hayu kʰul "sqeliz" tilixam ɬaska miɬayt kʰapa ukuk iliʔi. ukuk tilixam ɬaska wawa: anqati ɬaska miɬayt saya kʰapa kʰul-iwa. kʰapa 1810 kʰul, Northwest Fur Company (t'ɬip-san-kʰul-iwa-skin-kʰompani) ɬaska ɬatwa qʰa alta spukʰan miɬayt, pi ɬaska munk ixt makuk-skin-haws wik-saya spukʰan-stalu. 11 kʰul chaku pi ɬatwa saya, alta ukuk kʰompani mash ukuk makuk-skin-haws pi ɬaska ɬatwa kʰapa Colville skukum-haws. kʰapa 1871 kʰul James N. Glover pi Jasper Matheney ɬaska munk ixt lemula kʰapa spukʰan-təmwata. alta Matheney yaka mash yaka iliʔi pi Glover yaka chaku "spukʰan-tʰawn papa." bastən-saliks-tilixam ɬaska munk spukʰan skukum-haws kʰapa 1880 kʰul.
kʰapa 1883 kʰul, hayu tilixam ɬaska ɬatwa kʰapa spukʰan pus iskam gul pi tk'up-chikʰəmin.
.jpg)
ukuk iliʔi
[edit | edit source]229 mi. (369 km.) saya siʔaɬ-tʰawn kʰapa qʰa-san-chaku-iwa spukʰan-tʰawn miɬayt. spukʰan-lamətay miɬayt wik-saya spukʰan, pi 5,883 ft/1,793 m sax̣ali saltsəqw iləp sax̣ali iliʔi kʰapa ukuk lamətay.
kusax̣
[edit | edit source]kʰapa kʰul-iliʔi iləp kʰul kʰapa 32°F (0°C) hayu san kʰapa spukʰan-tʰawn, pi dret wam spukʰan-tʰawn kʰapa wam-iliʔi (iləp-wam kʰapa 80°F/27°C kʰapa hayu san.) 109°F/43°C iləp-wam qʰənchi-wam kʰapa kʰanawi tʰaym kʰapa spukʰan. wik-saya 16"/418mm tsəqw-snas chaku kʰapa ixt kʰul kʰapa spukʰan, pi wik-saya 45"/115cm snu chaku kʰapa ixt kʰul kʰapa spukʰan.
qʰata spukʰan-tʰawn iskam dala.
[edit | edit source].png)
alta tilixam ɬaska iskam dret-hayu chikʰəmin kʰapa ɬxwap wik-saya spukʰan. wəx̣t tilixam kʰapa spukʰan ɬaska xwim hayu stik pi munk hayu mashin. qʰəx̣chi kʰapa 2012 pi 2015 kʰul, tilixam kʰapa Forbes ɬaska wawa: ixt iləp-mashachi tʰawn pus t'ɬap x̣iləməɬ spukʰan.
qʰəx̣chi kʰapa spukʰan hayu dret-hayash kʰompani kakwa Avista, Itron, Gold Reserve, Potlatch Corporation, Commuter Cars, Stay Alfred pi Key Tronic ɬaska tayi-haws.