Wp/chn/kʰichx̣aan (tʰawn)
| qʰa kʰichx̣aan miɬayt kʰapa alaska-iliʔi |
  kʰichx̣aan
|
Khichx̣aan (Ketchikan khapa bastən-wawa pi Kichx̱áan khapa łinkit-ləlang) ixt tenas thaun khapa Alaska, khapa Bastən-iliʔi. Khapa 2020 snu, 8,192 tilixam łaska miłait khapa Khichx̣aan. Khanumakwst elip ulman thawn khapa Alaska Khichx̣aan. Khapa ixt Revillagigedo-ailən Khichx̣aan. Hayu wam pus ixt thawn khapa Alaska Khichx̣aan, (~50 - 70°F/~10 - 20°C khapa wam-iliʔi, pi ~15 - 50°F/~-10 - 10°C khapa khul-iliʔi.) Khapa Khichx̣aan, snas chako khapa wik-saya 233 sən khapa ixt khul (365 sən.)
Wik maika łatwa Khichx̣aan khapa uix̣ət; maika kəpit mamuk bot pus łatwa Khichx̣aan. Wik saya Khichx̣aan ixt tenas thaun, Maxłakxaała, qha hay tsmksian tilixam łaska miłait.
nim
[edit | edit source]Anqati tilixam łaska mamuk ukuk nim Khichx̣aan pus kəpit ixt stalu, wik saya qha ukuk thaun alta miłait. Wik mesaika kəmtəks qhata Łinkit-tilixam łaska mamuk ukuk nim Kichx̱áan pus ukuk stalu: t'łunas Khichx̣ yaka stalu əbə chakchak yaka skukum tipiʔ yaka dilet nim.
anqati-thaim
[edit | edit source]Anqati Łinkit-tilixam łaska mamuk-pish khapa qha Khichx̣aan alta miłait qha wam-iliʔi chako. Mike Martin yaka mamuk iləp ulman haus khapa Khichx̣aan. Alta hayu hayas-łq'up tʼəmanəwas stik łaska miłait khapa Khichx̣aan.
qhata łaska iskam dala
[edit | edit source]Khapa Khichx̣aan, pus łaska mamuk dala, łaska iskam hayu pish pi łaska mamuk-xwim hayu stik. Tilixam łaska kəmtəks Khichx̣aan kakwa Salmon Capital of the World (khanawi iliʔi yaka tayi-thawn pus samən.) Khapa 2018 snu, iləp-kakwa thausən-thausən tilixam łaska chako khapa Khichx̣aan pus nanich ukuk thaun.